Ерөнхий боловсролын сургуулийн дунд ангийн суралцагчдын хоол шим тэжээлийн нөхцөл байдлыг судлах зорилгоор “Fix my food” арга хэмжээг хэрэгжүүлэх, судалгаанд үндэслэн цаашид авах арга хэмжээний төлөвлөгөө боловсруулах ажлын хэсгийн Анхдугаар хурал боллоо. Тус ажлын хэсгийг Боловсролын Ерөнхий газрын даргын A/65 тушаалаар 2025 оны 03 сарын 12 өдөр байгуулсан юм.
Хуралд Боловсролын Ерөнхий газрын дарга Т.Ням-Очир болон “Хүнсний хувьсгал” мэргэжлийн холбооны Гүйцэтгэх захирал Б.Баярцэцэг, Монголын Хүүхдийн Зөвлөл, Дэлхийн зөн, НҮБ-ын Хүүхдийн сан, НЭМҮТ, Хүнс, хөдөө аж ахуй хөнгөн үйлдвэрийн яам, Боловсролын Ерөнхий газрын холбогдох албаныхан оролцлоо.
Хурлаар Ажлын хэсгийн үйл ажиллагааны төлөвлөгөөг хэлэлцэн баталлаа.
Үүнд:
- Дунд ахлах ангийн сурагчдын хоол, шим тэжээлийн орчны судалгаа /4 аймаг/. Сурагчдын хоол, шим тэжээлийн байдлын судалгаа.
- “Эрүүл ээлтэй буфет” 3 сургууль дээр хэрэгжүүлэх.
- “Эрүүл хүнс, эрүүл амьдрал” сурагчдын дунд зохистой хооллолтын талаар уралдаан
- Суралцагчдын өсөлт, хөгжлийн судалгаа Үйл ажиллагааны үр дүнгийн талаар төрийн удирдах дээд байгууллагад танилцуулах.
- Дунд, ахлах ангийн сурагчдийн хоол, шим тэжээлийн орчны судалгаа /зайнаас чиглүүлэх/
- Хүнсний худалдан авалт нийлүүлэлтийн оновчтой тогтолцооны зураглал боловсруулах, зөвлөх үйлчилгээ.
- “Сайн туршлага үйл ажиллагааг түгээн дэлгэрүүлэх нөлөөллийн ажил” видео контент
НҮБ-ын Хүүхдийн Сангаас хүүхэд залуучуудад эрүүл хоол, хүнсний орчинг бүрдүүлэх зорилгоор “Fix My Food” олон улсын аяныг эхлүүлжээ. Уг аяныг Английн “Bite Back” төрийн бус байгууллага санаачлан хэрэгжүүлж эхэлсэн бөгөөд эл олон улсын аяныг Монгол Улсаас эхлүүлж буй. Тус аяныг Азийн найман улсад өрнүүлэх бөгөөд эрүүл зөв хооллолт, түргэн хоолны хор хөнөөлийн талаар ерөнхий боловсролын сурагчдад сурталчлан таниулах зорилготой юм.
Энэ хүрээнд Монгол Улсын Ерөнхийлөгчийн санаачилсан “Хүнсний хангамж, аюулгүй байдал” үндэсний хөдөлгөөнтэй уялдуулан Ерөнхий боловсролын сургуулиудын хоол, хүнсний асуудлыг чухалчлан авч үзэж, цаашид дотоодын хүнс үйлдвэрлэгчидтэй хамтран монгол хүүхдийг монгол хүнсээр хангах үндэсний хэмжээний томоохон ажлыг хийж хэрэгжүүлнэ. Ингэхдээ үйл ажиллагааны төлөвлөгөөнд орсон “Эрүүл ээлтэй буфет” төсөлтэй хамтарч дотоодын хүнсний бүтээгдэхүүнийг сурагчдад таниулж, зөв хооллолтыг дэмжих юм.
