Монгол Улсын Ерөнхийлөгчийн санаачилсан “Хүнсний хувьсгал” үндэсний хөдөлгөөний дэргэдэх эрдэмтдийн зөвлөлийн дарга Ч.Даваабаяр, эрдэмтдийн зөвлөлийн орлогч дарга В.Мөнгөнсүх болон зөвлөлийн 20 гаруй эрдэмтэд өргөн бүрэлдэхүүнтэйгээр Хүнсний Аюулгүй Байдлын Үндэсний Лавлагаа Лабораторид ажиллалаа. Эрдэмтдийн зөвлөлийн гишүүн, ХАБҮЛЛ-ийн Ерөнхий захирал О.Нандин-Эрдэнэ лабораторийн үйл ажиллагааг танилцууллаа.
ХАБҮЛЛ нь хүнсний лабораторийн шинжилгээний мэдээллийн нэгдсэн санг бүрдүүлэх, хүнсний аюулгүй байдлын сорилт шинжилгээ, тандалт судалгаа, эрсдлийн үнэлгээ хийх, шинжилгээний ур чадварыг үнэлэх сорилтыг зохион байгуулж, тандалт судалгааг лабораторийн шинжилгээний үр дүнд тулгуурлан гүйцэтгэж байгаа юм.
Тус лаборатори нь дараах салбар нэгжүүдээр судалгаа, шинжилгээ хийж байна.
- Микробиологийн лаборатори
- Хими, хор судлалын лаборатори
- Таримал, ургамал үр хорио цээрийн лаборатори
- Ццарагийн хяналтын лаборатори
- Стратеги, төлөвлөлт, эрсдлийн үнэлгээний төв
- Ур чадварын сорилтын лаборатори
- Захиргаа, техник хангамжийн хэлтэс
Хүнсний бүтээгдэхүүний аюулгүй байдлыг хангах тухай хууль, Монгол Засгийн газрын 2013 оны 330 дугаар тогтоолын дагуу Хүнсний аюулгүй байдлын үндэсний лавлагаа лаборатори болж, хяналтын байгууллагын хяналт шалгалтын үр дүнг лабораторийн шинжилгээгээр баталгаажуулах үндсэн чиг үүргээс гадна хүнсний аюулгүй байдлын эрсдлийн үнэлгээ хийх, хүнсний шинжилгээний мэдээллийн сан бүрдүүлэх, лабораториудын ур чадварыг үнэлэх сорилтыг зохион байгуулах, эрдэм шинжилгээ, судалгааны ажил явуулах чиглэлээр үйл ажиллагаагаа өргөжүүлэн ажиллаж байна.
