Монгол Улсын Шадар Сайдын 2025 оны 01 дүгээр сарын 27-ны өдрийн 10 дугаар тушаалаар батлагдсан пестицидийн хяналтын тогтолцоог сайжруулах дэд ажлын хэсгийн 2 дугаар хуралдаан боллоо. Хуралдаанд ЕТГ-ын Хүнсний төсөл, хөтөлбөрийн албаны дарга В.Мөнгөнсүх, “Хүнсний хувьсгал”-ын дэргэдэх эрдэмтдийн зөвлөлийн гишүүд болон холбогдох албаныхан оролцлоо. Тус хуралдаанаар пестицидийн талаар авах арга хэмжээний 2025 оны төлөвлөгөөний төслийг хэлэлцэв.

Тус ажлын хэсэгт салбар бүрийн төлөөллүүд ажиллаж байгаа бөгөөд Монгол Улсын Ерөнхийлөгчийн Тамгын газрын дэргэдэх Эрдэмтдийн зөвлөлөөс гаргасан Пестицидийн талаар авах арга хэмжээний төлөвлөгөөг хэрэгжүүлэх чиг үүрэгтэйгээр байгуулагдсан бөгөөд пестицидийн хяналтын тогтолцоог сайжруулах, ард иргэд, хэрэглэгчдийн мэдлэгийг сайжруулах, хэрэглээний зохистой дадалд сургах болон хүн амын эрүүл мэндийн нөлөөллийг судлах зорилготой юм.

Хуралдаанаас дараах шийдвэрүүд гарлаа:

1. Ажлын хэсэгт оролцогч байгууллагуудын үүрэг хариуцлагыг нэмэгдүүлэх
2. Монгол Улсын Ерөнхий Сайдын 2024 оны 12 дугаар сарын 06-ны өдрийн 136 дугаар захирамжаар байгуулагдсан ажлын хэсэгт дэд ажлын хэсгийн ажлыг тайлагнах
3. Хүнсний бүтээгдэхүүн дэх пестицидийн үлдэгдлийн зөвшөөрөгдөх дээд хэмжээ MNS 5868:2008 стандартыг шинэчлэн боловсруулах ажлын хэсэг байгуулах