Нийслэлийн статистикийн газраас зах, худалдааны төвүүдэд зарагдаж байгаа мах, хүнсний ногооны үнийн судалгааг мэдээлжээ.
Махны дундаж үнэ
2025 оны 03 дугаар сарын 31-ны өдрийн байдлаар хонины ястай мах нэг килограмм нь дунджаар 17351 төгрөг, үхрийн ястай мах нэг килограмм нь дунджаар 19919 төгрөгийн үнэтэй тус тус худалдаалагдаж байна.
Өмнөх долоо хоногтой харьцуулахад үхрийн ястай махны үнэ 0.2 хувиар өсөж 19919 төгрөг, үхрийн цул махны үнэ 0.2 хувиар буурч 22394 төгрөгийн дундаж үнэтэй байна.
Гурилын үнэ
“Алтан тариа” нэрийн савласан нэг кг гурилын дундаж үнэ дээдийн дээд зэрэг нь 4222 төгрөг, дээд зэрэг нь 3193 төгрөг, 1-р зэрэг нь 2220 төгрөг, 2-р зэрэг нь 1358 төгрөг байна.
Худалдан авагч ихээр үйлчлүүлдэг “Барс” худалдааны төвд “Алтан тариа” нэрийн савласан нэг кг гурилын дундаж үнэ дээдийн дээд зэрэг нь 4200 төгрөг, дээд зэрэг нь 3000 төгрөг, 1-р зэрэг нь 2100 төгрөг, 2-р зэрэг нь 1600 төгрөгөөр тус тус худалдаалагдаж байна.
Хүнсний ногооны үнэ
“ Өмнөх долоо хоногтой харьцуулахад монгол байцай 1.5 хувиар өсөж 3061 төгрөг, хүрэн манжин 6.7 хувиар өсөж 4094 төгрөг, монгол лууван 4.4 хувиар өсөж 2830 төгрөг, монгол сонгино 1.0 хувиар өсөж 3704 төгрөг байна. Харин төмсний үнэ тогтмол байна.
