Зөв, зохистой хооллолт нь гурван үндсэн зарчимтай. Насанд хүрсэн хүн өдөрт хоол хүнснээсээ зохих илчлэгээ бүрэн авч байх ёстой. Насанд хүрсэн хүн дунджаар өдөрт 2000-2200 калори илчлэгийг хоол хүнснээсээ авах ёстой байдаг. Хүнсний ногоо, мах, гурил гурилан бүтээгдэхүүн, жимс жимсгэнэ, сүү цагаан идээ, өөх тосыг өдөр бүр өөрт тохирсон хэмжээ харьцаатайгаар хэрэглэж чадвал зохистой хооллолт болно.
Хоол хүнснийхээ зүйлийг зөв сонгож, зохистой хэрэглэх нь таны эрүүл мэндэд зүрх судасны өвчин, хавдар, чихрийн шижин зэрэг өвчнөөр өвдөх эрсдэлийг багасгах төдийгүй, ой ухаан сайжирч, эрч хүч нэмэгдэж, сэтгэл санаа тань тогтворжин сэтгэл санааны хямралд орохоос урьдчилан сэргийлдэг байна.
Эрүүл хооллох зөвлөгөө:
- Эрүүл хүнсний талаар мэдлэгтэй байж, эрүүл хооллох дадал зуршилтай болох
- Олон төрлийн хүнсний бүтээгдэхүүн, түүний дотор ургамлын гаралтай бүтээгдэхүүнийг давамгайлан хэрэглэх
- Хэрэглэж байгаа хоол хүнсний ихэнх хэсэг нь цардууллаг байхаас гадна ислэг агуулсан байх хэрэгтэй.
- Төрөл бүрийн жимс,жимсгэнэ, хүнсний ногоог илүү их хэрэглэх
- Сүү, сүүн бүтээгдэхүүн, загасны мах, ногоон өнгийн навчит ургамал зэрэг кальци ихээр агуулдаг бүтээгдэхүүнийг хэрэглэх
- Өөх тос, сахар болон давсны хэрэглээг багасгах
- Хөдөлгөөний хомстолгүй, илүүдэл жингүй байх
- Усыг биеийн жиндээ тохирсон хэмжээгээр хэрэглэх
- Өглөөний цайгаа заавал ууж хэвших хэрэгтэй юм
Ингэснээр цаг хугацаа өнгөрөхөд эдгээр жижиг өөрчлөлтүүд таны эрүүл мэндэд маш том нөлөө үзүүлэх зөв дадал зуршил болсон байх болно.
