Аймаг, орон нутагт “Хүнсний хангамж, аюулгүй байдал” үндэсний хөдөлгөөний хэрэгжилт, үр дүнтэй танилцах “Зөвлөлдөх уулзалт”-ыг Хангайн бүс буюу Баянхонгор, Архангай, Өвөрхангай аймгуудад зохион байгуулна. Мөн орон нутаг дахь хүнс, хөдөө аж ахуйн салбарын үйлдвэр, аж ахуй нэгжүүдийн үйл ажиллагаатай танилцаж, “Хүнсний хувьсгал”-ын дэргэдэх эрдэмтдийн зөвлөл болон мэргэжлийн холбооны салбар зөвлөл байгуулахаар төлөвлөн ажиллаж байна.
Ингэхдээ:

• Хөдөө, орон нутаг дахь хүнс, хөдөө аж ахуйн салбарт гарсан үр дүн
• 21 аймгийн жижиг, дунд үйлдвэрийн хүнсний салбарт гарсан үр дүн
• Орон нутаг дахь “Хүнсний хангамж, аюулгүй байдал” үндэсний хөдөлгөөний хүрээнд олгогдсон зээл, батлан даалт, гарсан үр нөлөөтэй танилцах юм.

Монгол Улсын Ерөнхийлөгчийн санаачилсан “Хүнсний хангамж, аюулгүй байдал” Үндэсний хөдөлгөөнийг 2022 онд УИХ-ын 36 дугаар тогтоол, мөн 2023 онд Засгийн газрын 63 дугаар тогтоол тус тус батлагдан бага хүүтэй, урт хугацаатай зээл олгосноор хөтөлбөр хэрэгжиж эхэлсэн билээ. Ингэхдээ хүнсний салбарын бараа бүтээгдэхүүний гааль болон татварын хөнгөлөлт, чөлөөлөлт дотоодтоо тариалсан хүнсний ногоо, улаан буудай, сүүнд урамшуулал олгох гэх мэт Засгийн газрын 25 шийдвэр хэрэгжиж байгаа юм.

Цаашид аймаг, нийслэл, орон нутгийн түвшинд дээрх арга хэмжээний хэрэгжилтийг эрчимжүүлэхэд эрдэмтэн судлаачид, мэргэжлийн холбоодын оролцоог нэмэгдүүлж, үйл ажиллагааны цар хүрээг өргөжүүлэх шаардлага нэмэгдэж байна.