Дорноговь аймгийн Сайншанд сумын хүн амын хаврын улирлын махны хэрэгцээг хангах, үнийг тогтворжуулах зорилгоор нөөцийн мах хөнгөлөлттэй үнээр худалдах ажлыг аймгийн ЗДТГ, “Суман зурхай” ХХК-тай хамтран зохион байгуулж байна. “Дорноговьд үйлдвэрлэв төв”-д өдөрт дунджаар 300 кг хонины мах, 170-200 кг үхрийн мах, 250-300 кг ямааны махыг хэрэглэгчдэд борлуулж байна. Харин нэг кг хонины мах 11000, ямааны мах 9000, үхрийн мах 13000 төгрөгийн үнэтэй байгаа бөгөөд хэрэглэгчид өргөнөөр үйлчлүүлж байна гэж тус төвөөс мэдээллээ.
Орон нутгаас төв суурин газрын хавар, зуны улирлын хүн амын махны хэрэгцээг хангах, махны хомсдол, үнийн хөөрөгдөл үүсгэхгүй байх, үнийг тогтворжуулах бодлого баримталж байгаа юм.