Өвөрхангай аймагт Ерөнхийлөгчийн Тамгын газрын дэргэдэх Эрдэмтдийн салбар зөвлөл байгуулах хуралдаан боллоо. Хурлыг Эрдэмтдийн зөвлөлийн нарийн бичгийн дарга О.Нямсүрэн зохион байгуулж, аймаг орон нутагт салбар зөвлөл байгуулах хэрэгцээ, шаардлага, үйл ажиллагааны талаар танилцуулж, санал солилцлоо.
Уулзалтын үеэр Ерөнхийлөгчийн Тамгын газрын дэргэдэх Эрдэмтдийн Өвөрхангай аймаг дахь салбар зөвлөлийн тэргүүнээр Химийн шинжлэх ухааны доктор, дэд профессор, аймгийн ЗДТГ -ын Нийгмийн бодлогын хэлтсийн дарга Б.Сайнжаргал томилогдлоо. Тус холбоо нь орон нутгийн түвшинд хүнсний хангамжийн тогтвортой байдлыг хангахад шинжлэх ухаанчаар хандаж, төр-хувийн хэвшлийн түншлэлийг өргөжүүлэн, салбарын үйл ажиллагааг илүү зохион байгуулалттай, үр дүнтэй хэрэгжүүлэхэд чиглэсэн үйл ажиллагаа явуулах юм.
