Тосны ургамлыг ургалтын хугацаагаар нь хожуу боловсордог, эрт боловсордог, маш эрт боловсордог гэсэн 3 төрөлд хуваадаг.
Хожуу боловсордог сорт нь эрт боловсордог болон маш эрт боловсордог сортын тариалалтын бүсэд боловсрох боломжгүй. Эрт боловсордог сорт нь маш эрт боловсордог сортын тариалалтын бүсэд боловсрох боломжгүй байдаг бол маш эрт боловсордог сорт нь эрт боловсордог болон хожуу боловсордог бүсэд боловсрох боломжтой. Эрт боловсордог сорт нь хожуу боловсордог бүсэд боловсрох боломжтой боловч ургац нь бага байдаг. Тиймээс сорт тус бүрийн тохиромжтой тариалалтын бүсийг харгалзан дараах голлох сортуудыг сонгож болно:
Бүс нутгаар нь ангилсан голлох сортууд: Монгол Улсад ургалтын хугацаа нь 95 хоног орчим тохиромжтой сорт: Чинза 5, Чинза 9, Чинза 12, Чинза 21
Монгол Улсад ургалтын хугацаа нь 85 хоног орчим тохиромжтой сорт: Чинза 7, Чинжэцза 1
Энэ жил манай компанийн хувьд Чинза 5 болон Чинза 7 гэсэн хоёр сортын үр оруулж ирнэ.
Чинза 5 сорт: Монгол Улсын тариалах бүсэд тохиромжтой, ургалтын хугацаа нь 93 хоног орчим байна. Ургамлын өндөр 171 см орчим, салаалалтын байрлал нь 62 см орчим, нэг ургамалд дунджаар үр бүхий буурцагны тоо 221.2 ширхэг, нэг буурцагт байх үрийн тоо 25.7 ширхэг, мянган үрийн жин 3.9 гр байна. Эруцины хүчил: 0.25%, Глюкозинолатын агууламж: 18.56 μmol/g, Тосны агууламж: 45.23%. Энэхүү сорт нь бүх талын шинж чанараараа онцгой бөгөөд ган гачигт тэсвэртэй, тогтвортой өндөр ургацтай. Дундаж ургац нь 1 мү (0.067 га)-д 200~250 кг, хамгийн өндөр ургац нь 300 кг хүрнэ. Чинза 5 сорт нь ургацын хэмжээгээрээ дэлхийн рекордыг шинэчлэн тогтоож байсан сорт юм.
Чинза 7 сорт: Хятадын хаврын тосны ургамлын бүсийн өндөрлөг газар, өндөр өргөрөгт орших бүсийн эрт боловсрох бүлгийн 2009-2010 оны бүсчилсэн туршилтад хамрагдсан ба дундаж мү тутмын ургац 203.6 кг болж, хяналтын сорт болох Чинжа 3-аас 9.2%-иар илүү ургацтай байсан байна. 2010 оны үйлдвэрлэлийн туршилтаар дундаж мү тутмын ургац 217.5 кг болж, хяналтын сортоос 8.9%-иар илүү ургац авсан байна.
Дундаж эруцины хүчлийн агууламж 0.4%, шахдас дахь глюкозинолатын агууламж 19.25 микромоль/г, тосны агууламж дунджаар 48.18% байна. Тохиромжтой бүс нутаг болох Хятадын Чинхай, Ганьсү мужийн далайн түвшнээс дээш 2800-2900 метрийн өндөрлөг бүс, Шинжаан болон Өвөр Монголын цочир хүйтрэлгүй богино хугацаатай бүсүүдэд тариалахад тохиромжтой сорт бөгөөд Монголын өндөрлөг сэрүүн бүс нутагт тохирох сорт юм. ургалтын хугацаа нь 85 хоног орчим
Дээрх хоёр сортын үрийг тариаланчдад урьдчилгаа 20 хувь, үлдэгдэл төлбөрийг намар ургацаас гэсэн нөхцөлтэйгээр Хөдөө аж ахуйн биржээр дамжуулан олгох аж.