Монгол Улсын Ерөнхийлөгчийн Үйлдвэр, үйлчилгээний бодлогын зөвлөх Ч.Даваабаяр Бүсчилсэн хөгжлийн бодлогын хүрээнд зохион байгуулагдаж буй “Хойд бүсийн зөвлөл” анхдугаар хуралдаанд оролцлоо. Мөн “Бүсийн онцлог, харьцуулалт” сэдэвт хэлэлцүүлгийн Модератороор ажиллалаа.
Хэлэлцүүлгийн панелист:
- Б.Бат-Эрдэнэ– УИХ-ын гишүүн
- Л.Төмөрбаатар– Хөвсгөл аймгийн Засаг дарга
- М.Найданхүү– Шведийн хаант улсад суугаа Элчин сайдын зөвлөх
- М.Буяндэлгэр– Санхүүгийн зохицуулах хорооны хяналтын зөвлөлийн дарга, доктор
- М.Нарангэрэл– Аялал жуулчлалын мэргэжлийн холбоо НЭХЗЭ-ийн гүйцэтгэх захирал
- М.Мөнх-Эрдэнэ– Хойд бүсийн хөгжлийн төвийн Булган аймаг дахь салбарын тэргүүн
- Д.Оюунгэрэл– МҮХАҮТ-ын Булган аймаг дахь салбар танхимын дарга
Булган аймагт болж буй тус хуралдааны хүрээнд таван салбар хуралдаанд:
- Хойд бүсийн хөгжил-2040
- Хойд бүсийн хөрөнгө оруулалт, хөгжлийн төслүүд,
- Хойд бүсийн зөвлөл, засаглал, эрх зүйн орчин
- Бүсийн онцлог, харьцуулалт
- Амьдралын чанар, тулгамдсан асуудал зэрэг олон талт асуудлыг хэлэлцсэн юм.
“Бүсийн онцлог, харьцуулалт” сэдэвт хэлэлцүүлэгт:
Хойд бүсийн эдийн засгийн тэргүүлэх чиглэл, чиг үүрэг, улсын хөгжилд оруулах оролцооны талаар хэлэлцлээ. Ингэхдээ орон нутгийн зорилттой уялдуулан бүсийн аймгууд, орон нутгийн хөгжлийн төв, түүнд таталцах сумдын эдийн засгийн чиг үүрэг, тэдгээрийн тэргүүлэх нөөц, боломжийг тодорхойлж, бүсийн төрөлжилт, хоршилт, дагналт, худалдаа, эдийн засгийн хамтын ажиллагааг нэмэгдүүлэх, нийлүүлэлтийн сүлжээг сайжруулах гарц боломж, “Хүнсний хангамж, аюулгүй байдал” үндэсний хөдөлгөөнийг эрчимжүүлэх талаар хэлэлцэж, гарсан санал зөвлөмжийг Бүсийн зөвлөлийн өргөтгөсөн хуралдаанд танилцуулах юм.
