Хүнс группийн “Хүнс комплекс” ХХК дэлхийн махны салбарын “Олимп” гэгддэг IFFA 2025 Олон улсын үзэсгэлэнгээс 4 алт, 1 мөнгөн медаль хүртлээ! Үүнээс нэг алтан медал нь #БООДОГ_БОЙС утаж шарсан үхрийн өвчүү байлаа.
Салбарын шинэ технологи, инновацын шийдлүүдийг танилцуулдаг IFFA 2025 Олон улсын үзэсгэлэн энэ сарын 3-8-ний өдрүүдэд ХБНГУ-ын Франкфурт хотноо болж байна. Гурван жил тутам нэг удаа зохион байгуулагддаг тус үзэсгэлэнд эх орноо төлөөлөн томоохон компаниуд оролцсоны нэг нь 33 дахь жилдээ үйл ажиллагаа явуулж буй Хүнс группийн Хүнсний манлай үйлдвэр “Хүнс комплекс” ХХК 5 нэр төрлийн бүтээгдэхүүнээрээ оролцжээ.
Олон жилийн ноу хоу шингэсэн технологийн дагуу “Үхрийн махан салями”, “Шанзтай зайдас”, “Sticks салями”, “Боодог Бойс Утаж шарсан үхрийн өвчүү” гэсэн 4 бүтээгдэхүүнээрээ АЛТАН медаль, дайвар бүтээгдэхүүнээр хийсэн “Хэлтэй царцаамаг МӨНГӨН медаль тус тус хүртэж амт, чанар, боловсруулалтын түвшингөөрөө шүүгчдийн зүгээс өндөр үнэлгээ авсан байна.
