Монгол Улсын Ерөнхийлөгчийн санаачилсан “Хүнсний хувьсгал” үндэсний хөдөлгөөн “Бүсчилсэн хөгжлийн бодлого”-той уялдаж, идэвхтэй хамтран ажиллаж байна. Энэ хүрээнд “Говийн бүсийн зөвлөлийн анхдугаар хуралдаан”-д Монгол Улсын Ерөнхийлөгчийн Үйлдвэр, үйлчилгээний бодлогын зөвлөх Ч.Даваабаяр оролцож байна. Хуралдааны үеэр таван салбар хэлэлцүүлэг болж, Бүсийн зөвлөлийн өргөтгөсөн хуралдаанд өгөх саналыг танилцуулах Хэвлэлийн бага хурал боллоо.
“Бүсийн онцлог, харьцуулалт” сэдэвт хэлэлцүүлэгт:
Модератор:
- Ч.Даваабаяр– Ерөнхийлөгчийн Үйлдвэр, үйлчилгээний бодлогын зөвлөх
Панелист:
- Ш.Билэггүмбэрэл– Говьсүмбэр аймгийн ИТХ-ын дарга
- Н.Энхбат– Өмнөговь аймгийн засаг дарга
- Э.Мягмардорж– “Сайншанд салхин парк”-ийн гүйцэтгэх захирал
- Г.Амгаланбаяр– Монголын сансрын судалгаа хөгжүүлэлтийн төвийн тэргүүн
- Ш.Отгонбаяр– МҮХАҮТ-ын Дорноговь аймаг дахь салбар танхимын дарга
- Б.Артагбат– Стейнер судалгаа хөгжлийн хүрээлэнгийн тэргүүн
- Т.Баттулга– “Аялал жуулчлалын мэргэжлийн холбоо” НЭЗХЭ-ийн ерөнхийлөгч
нар оролцож, дараах саналуудыг гаргалаа.
- Аялал жуулчлалыг говийн бүсийн нөөц, онцлогт тулгуурлан хөгжүүлэхэд уул уурхайгаас хөрөнгө оруулалт хийж дэд бүтцийг хөгжүүлэх, аялал жуулчлалын салбарын ажиллах хүчийг бэлдэх,
- “Хүнсний хангамж, аюулгүй байдал” үндэсний хөдөлгөөний хоёрдугаар шатыг эхлүүлж, орон нутгийн үндэсний үйлдвэрлэгчдэд чиглүүлэн эрчимжүүлэх
- Говийн бүсийн нар, салхины хүчийг ашиглан, эрчим хүчний үйлдвэрлэлийг түлхүү хөгжүүлэх.
- Сэргээгдэх эрчим хүчний үйлдвэрлэлийг дэмжихийн тулд бодлогын болон хууль эрх зүйн орчин тогтвортой байхад анхаарах
- Монгол улс хүнс, аялал жуулчлал, аж үйлдвэр, боловсрол зэрэг бүх салбарт инноваци хийх, салбарууд хамтын ажиллагаагаа сайжруулах.
- Орон нутгийн түвшний кластерийг бий болгох, үйлдвэр технологийн парк байгуулахад төр, хувийн хэвшил, эрдэм шинжилгээний байгууллага 3 нэгдэж хөгжүүлэх
- Төр, хувийн хэвшлийн хамтын ажиллагааны хүрээнд Говийн бүсийн бүх сумдыг авто замаар холбох гэх мэт олон сайхан ажил хэрэгч саналууд гарч, Засгийн газрын өргөтгөсөн хуралдаанд хүргүүллээ.
