Италийн оршин суугчид оройн цагаар дуртай капучиногоо уудаггүй. Үүний цаана шинжлэх ухааны үндэслэлтэй тайлбар байдаг аж.
Оройн хоолны дараа капучино уудаг заншил байдаггүй гэдгийг Италид очсон хүн бүр мэддэг. Тэгвэл италичууд яагаад оройдоо сүү хэрэглэдэггүй вэ? Нар жаргах үед аяга капучино ууж буй жуулчид энгийн үзэгдэл юм. Гэсэн хэдий ч Италичууд сүүтэй кофег арван нэгэн цагаас хойш уухыг бараг цээрлэдэг байна.
1500-аад онд кофены үрийг анх авчирснаас хойш Италид кофены соёл оршин тогтнож ирсэн. Одоо кофе нь пицца, гоймонтой хоолны адил тус орны соёлын томоохон төлөөлөгч болсон билээ. Учир нь 16-р зуунаас хойш Италичууд энэ ундааг бэлтгэх, уух урлагийг төгс төгөлдөр болгосон байдаг. Италичууд бүр гал тогооны өрөөнд байдаг тусгай кофе чанагчийг зохион бүтээж үүнийгээ “ла мока” гэж нэрлэжээ. Энэхүү бяцхан төхөөрөмж дэлхий даяар маш их алдартай болж, Гиннесийн амжилтын номд бичигдсэн түүхтэй.
Италийн “кофе уух” урлагийн бас нэг нотолгоо бол хотын дүүрэг бүрд бадаг кофе шопууд юм. Ийм кафе нь италичуудын дунд маш их алдартай, учир нь кофе уух нь тэдний хувьд онцгой зан үйл. Жишээлбэл, тэдний ажлын завсарлага нь ихэвчлэн нэг аяга эспрессо дагалддаг бөгөөд үүнийг өдөрт хэд хэдэн удаа уудаг заншилтай байдаг. Мөн Италид асар олон төрлийн кофе бэлтгэдэг бөгөөд магадгүй ийм шалтгаанаар италичууд сүүтэй кофе уухад онцгой цаг гаргадаг.
Хэрэв эспрессог ихэвчлэн ямар ч зүйлгүйгээр дангаар уудаг бол сүүтэй кофег өглөөний цай – нарийн боов эсвэл сэндвич дагалддаг. Гэхдээ энэ уламжлал нь бас шинжлэх ухааны тайлбартай байдаг.
Италичууд сүүг хүнд хоолтой хамт хэрэглэвэл хоол боловсруулалтыг удаашруулж, ходоод, гэдэс дотрыг нь хямрааж байдгийг эртнээс анзаарчээ. Италид хамгийн хөнгөн хоол бол өглөөний цай байдаг тул үдийн хоол эсвэл оройн хоолонд сүүтэй кофе уухаас татгалзах нь зүйтэй юм.
