Засгийн газрын тогтоолоор жил бүрийн тавдугаар сарын хоёр дахь 7 хоногийг татвар төлөгчийн өдрүүд хэмээн зарладаг. Энэ жилийн татвар төлөгчийн өдрүүдийг татварын байгууллагаас “Хариуцлагатай татвар төлөгч” уриан дор зохион байгуулж байна.
Татварын алба ААН, байгууллагын татварын тайланг үнэлдэг болсон юм. Тухайн үнэлгээгээр татвар төлөгчдийг шалгаруулдаг болсон онцлогтой.
Энэ хүрээнд “Хүнсний хувьсгал” мэргэжлийн холбоо үүсэн байгуулагдсанаас хойш анхны “Хариуцлагатай татвар төлөгч” талархлын бичгээ хүлээж авлаа.
Монгол Улсын хэмжээнд 27 мянга гаруй ТББ байдгаас 8000 гаруй нь идэвхтэй үйл ажиллагаа явуулдаг. Үүний дотроос улсдаа тасралтгүй татвар төлдөг цөөн хэдэн ТББ-ын нэг болж, үйл ажиллагаагаа тасралтгүй явуулахад Удирдах зөвлөлийн гишүүдийн нийгмийн сайн сайхны төлөөх гэсэн нөр их хүчин чармайлт, манлайлал, сэтгэлийн хүчээр хүнс, хөдөө аж ахуйн салбарт нэгэн түүхийг хамт бичилцэж буй та бүхэнд гүн талархал илэрхийлье.
