Газар тариалангийн үйлдвэрлэлтэй холбоотой зөвлөмжийг Тариаланчид та бүхэнд хүргэж байна

1. Тариаланч тариалангийн талбайн сүрэл, хаягдлыг шатаахгүй байх;

2. Тариалангийн талбайн хөрсийг 5 жил тутамд шинжилгээнд заавал хамруулсан байх;

3. Тариалах таримлын үрээ итгэмжлэгдсэн лабораторийн шинжилгээнд хамруулж баталгаажсан, стандартын шаардлага хангасан үрээр тариалалт хийх;

4. Үр тарианы ургамлын тарих үрийг тарихын өмнө нарлуулах ба таримал зориулалтын бодисоор зөвлөсөн тунгаар ариутган тариалах;

5. Зар сурталчилгаанд байгаа гарал үүсэл, сортын нэр нь тодорхойгүй үр худалдан авч тариалалт хийхгүй байх;

6. Үр ариутгалын бодисыг зөв сонгох, газар тариаланд ашиглахыг зөвшөөрсөн туршигдсан пестицидийг (https://mofa.gov.mn/…/oyff…/68142d1f83d7de7c1b04b9a2.pdf ба https://mofa.gov.mn/…/jdi6…/67ac72bc6ddbd02d08d9b641.pdf ) тусгай зөвшөөрөлтэй аж ахуйн нэгжээс худалдан авч хэрэглэх;

7. Ургамал хамгааллын бодис бордоог сонгохдоо үйлдвэрлэсэн улс, он, импортолсон аж ахуйн нэгж, сав баглаа боодлын бүрэн бүтэн байдлыг сайтар нягтлан холбогдох зааврыг дагалдуулан авч хэрэглэхийн өмнө уншиж танилцах;

8. Үр ариутгалын бодисын сав баглаа боодлыг малчин өрх, иргэдэд өгөхгүй байх, хүнсний бүтээгдэхүүн, ундны ус хийж хэрэглэхгүй байх, бодис худалдан авсан газартаа буцааж өгөх;

9. Тариалалттай холбоотой технологийн зөвлөгөө, зөвлөмжийг туршлагатай мэргэжлийн агрономичоос авах;

10. Тариалалтын түүхийн дэвтрийг заавал хөтлөх;

11. Хөдөө аж ахуйн үйлдвэрлэлийн тоног төхөөрөмжэй ажиллахдаа хөдөлмөрийн аюулгүй байдлыг хангаж ажиллах;

12. Хортон шавьж устгах бодис, бордоо хэрэглэхдээ цөөрөм, гол мөрөн, худаг зэрэг усны эх үүсвэрийг тооцон үзэх. Шошгон дээрх зааврыг дагаж мөрдөн хэрэглэх явцад усны эх үүсвэрээс зай барих замаар усыг бохирдохоос сэргийлэх;

13. Пестицид, бордооны хосолсон эмчилгээний оновчтой үр нөлөөг хангахын тулд зөв хэрэглэх техник нь маш чухлыг анхаарах;

14. Пестицид, бордоог хүүхэд, тэжээвэр амьтан, хүнсний бүтээгдэхүүнээс тусад нь аюулгүй газар хадгалах.

15. Ашиглаагүй үлдсэн бүтээгдэхүүн, сав, баглаа боодол нь байгаль орчныг бохирдуулахаас урьдчилан сэргийлэхийн тулд орон нутгийн дүрэм журам, зааврын дагуу устгах;

Дээрх зөвлөмжүүдийг тариалангийн үйлдвэрлэлдээ хэрэгжүүлж ажиллахыг зөвлөж байна.