Ховд аймгийн Статистикийн хэлтсээс долоо хоног бүр зарим өргөн хэрэглээний бараа бүтээгдэхүүний үнийн судалгаа хийж, иргэдэд танилцуулж байна.
Өнгөрсөн сард Ховд аймгийн төв зах, худалдааны төвд жижиглэнгийн махыг 14-18 мянган төгрөгөөр худалдаж байсан. Тэгвэл тавдугаар сар гарсаар нэг кг хонь, үхрийн мах дунджаар 18 мянга, нэг кг ямааны мах 15 мянган төгрөгийн үнэтэй болсон юм.
Сүүлийн 2-3 долоо хоногийн хугацаанд махны үнэд өөрчлөлт ороогүй, тогтвортой байна.
Мөн нэг литр шингэн сүү 4000, нэг кг задгай гурилын үнэ дунджаар 2800 төгрөг, нэг кг элсэн чихрийн үнэ 4500 төгрөг байгаа нь өмнөх долоо хоногийн дундаж үнэтэй адил түвшинд буй үзүүлэлт юм.
