Дэлхийн 50 гаруй улсад тэмдэглэн өнгөрүүлдэг “Дэлхийн сүүний өдөр”-ийг 2001 оноос хойш Монгол Улс албан ёсоор тэмдэглэсээр ирсэн билээ. Харин энэ жил бид уг өдрийг дэлхийн жишигт нийцүүлэн, шинэ түвшинд хүргэж, анх удаа өргөн цар хүрээтэй фестиваль зохион байгуулж байгаа нь “Milk Festival-2025” юм.
Дэлхийн сүүний өдөр нь жил бүрийн 6-р сарын 1-нд тэмдэглэгддэг олон улсын баяр бөгөөд Нэгдсэн Үндэстний Байгууллагын Хүнс, хөдөө аж ахуйн байгууллага (FAO)-аас 2001 онд анх зохион байгуулсан юм. Энэхүү өдрийг тэмдэглэх зорилго нь сүүний ач холбогдлыг олон нийтэд таниулах, сүүний салбарын хөгжлийг дэмжих, хүнсний аюулгүй байдал, тэжээллэг чанар, эдийн засгийн хөгжилд сүүний салбарын оруулж буй хувь нэмрийг хүлээн зөвшөөрөх явдал юм.
Дэлхийн сүүний өдөрт зориулсан үйл ажиллагаанууд нь олон улсын хэмжээнд өргөн цар хүрээтэй зохион байгуулагддаг. Жишээлбэл, 2024 онд 100 гаруй улс оронд 924.4 сая удаа сүүлийн үеийн үйл ажиллагаануудыг цахим орчинд хуваалцаж, 2.7 сая удаа оролцогчидтай болсон байна. Үүнд малын фермийн үзэсгэлэн, сүү хандивлах арга хэмжээ, сүүний ач холбогдлыг сурталчилсан сургалт, цахим кампанит ажил зэрэг олон төрлийн үйл ажиллагаа багтжээ.