Эх орны хөрсөнд ургасан эрүүл улаанбуудайг боловсруулан, экологийн цэвэр бүтээгдэхүүнийг үйлдвэрлэж хүн амыг эрүүл хүнсээр ханган ажиллаж буй үндэсний үйлдвэрлэгч, Баялаг бүтээгч “Өег Гурил” компани Монгол Улсын Ерөнхийлөгч Ухнаагийн Хүрэлсүхийн санаачилсан “Хүнсний хангамж, аюулгүй байдал” үндэсний хөдөлгөөнд нэгдлээ.
Монгол улсын стратегийн хамгийн чухал хүнсний бүтээгдэхүүн үйлдвэрлэгчдийн нэг болох тус гурилын үйлдвэр нь улсын баруун болон төв, хангайн газар, тариалангийн бүс нутаг болох Төв, Булган, Сэлэнгэ, Дархан нутгийн үржил шимт хөрсөнд тариалж буй улаан буудайн чанарыг хөрсний шинжилгээнээс эхлэн тариалалтын явцад байнгын шинжилгээ сорил явуулсны үр дүнд эрүүл, сайн чанарын үр тариаг сонгон авч, бүтээгдэхүүнээ үйлдвэрлэж байна.
Өег гурилын үйлдвэр нь бүрэн автомажсан бөгөөд буудайг 99% цэвэрлэж, 76-78%-н гарцтай чанараараа Олон улсын шаардлага хангасан, дэлхийн шилдэг гурил үйлдвэрлэгч нартай өрсөлдөхүйц хэмжээний экологийн бүтээгдэхүүн үйлдвэрлэн ард түмнийхээ хэрэгцээг хангаж байна.
