Монгол Улсын Ерөнхийлөгч Ухнаагийн Хүрэлсүхийн санаачилсан “Хүнсний хангамж, аюулгүй байдал” үндэсний хөдөлгөөнд Дархан-Уул аймгийн баялаг бүтээгч “Дархан Эрдэнэ” мах комбинат нэгдлээ.
“Дархан Эрдэнэ” мах комбинат нь 2017 онд Дархан-Уул аймагт нээлтээ хийж, малчдын орлогын эх үүсвэр болсон малыг худалдан авах, зах зээлд нийлүүлэх замаар төр, хувийн хэвшлийн хамтын ажиллагааг бэхжүүлэх үйлдвэр байгуулж, 40 хүнийг ажилтай болгосон юм.
Хүн амын нягтаршил ихсэж, хүнсний аюулгүй байдал тэргүүнд тавигдаж байгаа энэ үед тус үйлдвэр нь иргэдэд эрүүл аюулгүй хүнс хэрэглэх боломжийг олгоод байна.
Үйлдвэр нэг ээлжинд өдөрт 100 толгой бод, 500 толгой бог малыг төхөөрөх хүчин чадалтай бөгөөд мах шулах, сэврээх, гүн хөлдөөх зориулалтын өрөө, мах хадгалах агуулахтай.
Дашрамд дурдахад Дархан-Уул аймаг энэ онд 480 гаруй мянган тн мах бэлтгэж, 350 мянга гаруй тн-ыг нь дотоодын хэрэгцээнд нөөцлөн, 50 мянга гаруй тн-ыг экспортод гаргахаар төлөвлөсөн байна.
