Монгол Улсын Ерөнхийлөгч Ухнаагийн Хүрэлсүхийн санаачилгаар орон даяар өрнөөд буй “Хүнсний хангамж, аюулгүй байдал” үндэсний хөдөлгөөнд баялаг бүтээгч “Хөвсгөл титаник” компани нэгдлээ.
“Хөвсгөл титаник” компани нь 29 дэх жилдээ үйл ажиллагаагаа явуулж буй Хөвсгөл аймгийн ууган хүнс үйлдвэрлэгчдийн нэг юм. Өнөөдрийн байдлаар 120 гаруй ажилтантай бөгөөд Талх, нарийн боов, сүү, ааруул, бялуу-бэйкери, гоймон-хэрчсэн гурил, Цай, Жимс, нийтийн хоол гэсэн 10 үйлдвэр цехийн 150 гаруй нэр төрлийн бүтээгдэхүүн үйлдвэрлэж байна. Жилдээ нийт 600 орчим тонн хүнсний бүтээгдэхүүнийг хэрэглэгчдэд хүргэдэг. Ингэснээр талх, талхан бүтээгдэхүүний 15%, Гурилан бүтээгдэхүүний 18.4%, Сүү, сүүн бүтээгдэхүүний 25%-ийг дангаараа хангаж байгаа баялаг бүтээгч юм.
Хүн амын эрэлт хэрэгцээ, хэрэглээний онцлог, түүхий эдийн нөөцөд тулгуурлан уян хатан технологи бүхий үйлдвэрлэлийг хөгжүүлж, экологийн цэвэр, импортыг орлох бүтээгдэхүүнээр зах зээлд өрсөлдөх нь чухал.
Иргэддээ эрүүл хүнс хүргэх эрхэм зорилт дэвшүүлсэн тус хамт олон 29 жилийн турш тасралтгүй хөдөлмөрийнхөө үр шимээр хэрэглэгчиддээ илүү шинэ шинэлэг бүтээгдэхүүнийг хүргэн 5 цех 93 ажилчинтайгаар үйл ажиллагаа явуулж байна. Мөн хэрэглэгчдийнхээ эрэлт хүсэлд нийцүүлсэн олон шинэ бүтээгдэхүүн үйлдвэрлэж байгаа бөгөөд бүтээгдэхүүний төрөл нэмэгдсээр 120 гаруй нэр төрөлд хүрчээ.
МУ-ын Засгийн газар “ҮДИЙН ЦАЙ” хөтөлбөр хэрэгжүүлж эхэлсэн 2006 оноос хойш 16 жилийн хугацаанд тжс компани нь Мөрөн сумын бүх сургууль, цэцэрлэгүүдийн 40.000 гаруй хүүхдэд бүтээгдэхүүнээ амтлуулж иржээ. Ялангуяа сургуулийн хүүхдийн үдийн цайны хөтөлбөрийг хэрэгжүүлж бяцхан хүүхдүүдийн амтархан иддэг сүүн ааруул, тараг, сүү зэрэг нь өглөө бүр байдаг нь онцлог гэнэ.
