Монгол Улсын Ерөнхийлөгчийн Үйлдвэр, үйлчилгээний бодлогын зөвлөх Ч.Даваабаяр, Ерөнхийлөгчийн Эдийн засгийн бодлогын зөвлөх Б.Даваадалай, Үндэсний аюулгүй байдлын зөвлөлийн ажлын албаны хэлтсийн дарга Д.Энхмаа, ЕТГ-ын Хүнсний төсөл, хөтөлбөр хариуцсан албаны Хүнсний мэргэжилтэн А.Амаржаргал, ХХААХҮЯ-ны Худалдаа, хоол үйлдвэрлэл, үйлчилгээний хэлтсийн дарга О.Онон нарын бүрэлдэхүүнтэй ажлын хэсэг Баянхонгор аймагт ажиллаж байна.
Өнөөдөр /2022.11.02/ Баянхонгор аймгийн удирдлагуудтай уулзаж, “Хүнсний хангамж, аюулгүй байдал” үндэсний хөдөлгөөний хүрээнд УИХ-аас баталсан 36-р тогтоолын бодлого, хэрэгжүүлэх арга хэмжээнүүдийн талаар ярилцаж, санал солилцлоо.
Уулзалтаар Баянхонгор аймгийн Засаг Дарга О.Мөнхсайхан тус аймгийн шинээр төлөвлөсөн бүтээн байгуулалтууд болон тулгамдаж буй асуудлуудын тухай ажлын хэсгийн гишүүдэд танилцууллаа.
Баянхонгор аймагт сүүлийн жилүүдэд агаарын бохирдол нэн тэргүүнд шийдвэрлэх асуудал болжээ. Нийт 12 уурын зуух ажилладгаас гадна гэр хорооллын гудамж их байгаа нь агаарын бохирдол бий болох шалтгаан юм.Тиймээс нутгийн удирдлагууд сумын дахин төлөвлөлтөд анхаарч эхэлсэн байна.
