Монгол Улсын Ерөнхийлөгч Ухнаагийн Хүрэлсүхийн санаачилсан “Хүнсний хангамж, аюулгүй байдал” үндэсний хөдөлгөөн орон даяар амжилттай хэрэгжиж эхэллээ. Орон нутгийн удирдлагууд, иргэд, малчид, тариаланчид, баялаг бүтээгчид, үйлдвэрлэгчид ирэх таван жилийн хугацаанд 19 нэр төрлийн хүнсний бүтээгдэхүүнээр дотоодын хэрэгцээгээ хангах, цаашлаад экспортлогч орон болох зорилгыг дэмжиж орон нутаг бүр идэвхтэй оролцохоо илэрхийлсээр байна.
Өнөөдөр /2022.11.05/ Увс аймгийн Улаангом хотод “Хүнсний хангамж-Аюулгүй байдал” үндэсний хөдөлгөөнийг албан ёсоор эхлүүлж, “Хүнсний хувьсгал” зөвлөгөөнийг эхлүүллээ.
Тус зөвлөгөөнд
- Хүнс, хөдөө аж ахуй, хөнгөн үйлдвэрийн яамны Төрийн нарийн бичгийн дарга Т.Жамбалцэрэн,
- Хүнс, хөдөө аж ахуй, хөнгөн үйлдвэрийн яамны Бодлого төлөвлөлтийн газрын шинжээч Э.Сугарбаяр,
- Хүнс, хөдөө аж ахуй, хөнгөн үйлдвэрийн яамны Бодлого төлөвлөлтийн газрын мэргэжилтэн Б.Энхцэцэг нарын ажлын хэсэг оролцлоо.
Тус арга хамжээнд Засаг даргын Тамгын газар, сумдын Засаг дарга болон Увс аймгийн 19 сумын аж ахуй нэгжийн төлөөлөл, иргэдэд үндэсний хөдөлгөөний зорилго, хүлээгдэж буй үр дүн, хэрэгжүүлэх арга хэмжээний талаар дэлгэрэнгүй мэдээлэл өгч, УИХ-аас баталсан “Хүнсний хангамж, аюулгүй байдлыг хангах талаар авах зарим арга хэмжээний тухай” 36-р тогтоолын хэрэгжүүлэх арга зам, иргэдийн оролцоо, санал, сэтгэгдлийг сонсож, хэлэлцүүлэг өрнүүллээ.
Тус үйл ажиллагааг Монгол Улсын Ерөнхийлөгчийн Тамгын газар, Хүнс, хөдөө аж ахуй, хөнгөн үйлдвэрийн яам, Увс аймгийн Засаг даргын Тамгын газар, Увс аймгийн Хүнс хөдөө, аж ахуйн газартай хамтран зохион байгууллаа.
