Валютын ханш өсч, хүнсний өргөн хэрэглээний бүтээгдэхүүний үнэ нэмэгдэж буй энэ цаг үед үндэсний үйлдвэрлэгч “Майнд Теч” компани үнийн хувьсгал санаачлан эхлүүллээ. Тус компанийн зүгээс 1 литр ургамлын тосны үнийг 10,500 төгрөгөөс 6600 төгрөг болгон буулгаж хэрэглэгчиддээ хамгийн хямд үнээр худалдаалах ажлыг эхлүүллээ.
Монгол Улс жилд 20 сая ам.долларын үнэ бүхий ургамлын тосыг импортлож авдаг гэсэн судалгаа бий. Үүнийг дотооддоо үлдээж, эх орныхоо ургамлын тосны хэрэгцээг 100 хувь хангахаар ажиллаж буй “Майнд Теч” компани Монгол Улсын Ерөнхийлөгч Ухнаагийн Хүрэлсүхийн санаачилсан “Хүнсний хувьсгал” хийх ажлыг дэмжин үнийн хувьсгалыг эхлүүлж, бусад үндэсний үйлдвэрлэгчдээ нэгдэхийг уриаллаа.
“Майнд теч” компани 2012 оноос үйл ажиллагаагаа эхлүүлж Эх орондоо ургуулсан Эрүүл хөрсний шим уриатайгаар Эзэгтэй, Оргих ургамлын тосуудыг үйлдвэрлэж дотоодын хэрэгцээгээ хангахад хувь нэмэр оруулж байна.
Дашрамд дурдахад Монгол Улсын Засгийн Газраас “Майнд Теч” компанийн бүтээгдэхүүнийг НӨАТ-ын хөнгөлөлтөнд хамруулсан нь хэрэглэгчдэд эрүүл, чанартай ургамлын тосыг хямд худалдаалах боломж болжээ. Иймд төр засаг үндэсний үйлдвэрлэгчдээ дэмжсэн бодлого хөтөлбөрүүдээ үргэлжлүүлэн хэрэгжүүлэхийг үндэсний үйлдвэрлэгчид хүсэж байна.