Бидний бие махбодид өдөр бүр эд эс шинээр үүсч нөхөн төлжиж байдаг. Тэгвэл энэ эд эсүүдийг үүсгэх үндсэн түүхий эдүүдийг хоолноос авдаг. Бид өдөр бүр хоол идэж байж л эрүүл саруул оршин тогтнож байдаг.

Энэ нь хоол хүнсний хэрэглээн дотор зөвхөн мах, сүү, үр тариа, жимс жимсгэнэ, хүнсний ногоо гээд таван бүлэг хүнсийг ярихын чацуугаар бид нар нэг зүйлийг анхаарах ёстой.

Цай бол илчлэг, уураг, өөх тос, нүүрс ус, витаминуудын хэмжээ багатай хэрнээ хамгийн гол нь бид нар цайнуудаас юу авдаг вэ гэвэл антиоксидантуудыг, мөн хавдарын эсрэг биологийн идэвхит бодисуудыг ихээр авч чадна.

Өнөөдөр Балжингарамын цайг та бүхэндээ танилцуулж байна. Балжингарам гэдэг бол бид нарын мэддэгээр рамошка гээд цэцэг байдаг. Англиар chamomile гэсэн нэртэй. Балжингарамын цай нь яг цэцгээрээ байдаг. Өдөрт нэг хүн 15 ширхэг цэцгийг 1.5 литр усанд хандлаад цай болгоод уувал оновчтой. Балжингарамын цай нь нойргүйдэлд ач тустай.

Нойр муудаж сэрвэлзээд, стрессдээд унтаж чадахгүй бол Балжингарамын цайг хандалж уувал сайхан бөх унтаж чадна. Балжингарамын цай нь цайвар өнгөтэй, шар ногоондуу өнгө давамгайлсан 2 төрөл байдаг. 2 өнгөний ялгаанаас хамаараад цайвардуу өнгийн цай нь илүү тайвшруулах үйлчилгээтэй байхад шар ногоондуу өнгөтэй нь цөс хөөхөд арай илүү үйлчилгээтэй байх талтай. Цайг байнга хэрэглэх үе нь 7, 8 сар буюу зуны сүүл, мөн намрын сарууд. Энэ үед бид элгээ гамнах ёстой цаг. Үүнд Балжингарамын цай их тустай юм. Ургамлын эмчилгээ гэдэг бол өөрөө их гайхалтай. Тэр дотроо цайнуудын төрлийг хэрэглэх нь маш чухал юм.

Бид урьдчилан сэргийлэх үүднээс стресс тайлах зорилгоор балжингарамын цайг ууж тайвширч болно. Мөн эрүүл хүний хувьд жилдээ тодорхой цагт хэрэглэж байх хэрэгтэй. Ер нь Монголчууд олон төрлийн цайг солиод хэрэглэж байх хэрэгтэй байна.

Хоолзүйч Н.Сугар