УИХ-ын Хүнсний хангамж, аюулгүй байдлын Түр хорооны 2022 оны 11 сарын 09-ны өдрийн 01 тогтоолоор Хүнсний үйлдвэрлэлийг нэмэгдүүлэх, чанар, аюулгүй байдлыг хангах, мах махан бүтээгдэхүүний үйлдвэрлэл, хөдөө аж ахуйн үйлдвэрлэлийг дэмжихэд хүнсний боловсруулах болон хөнгөн үйлдвэрлэлийн чиглэлээр судалж, санал боловсруулах үүрэг бүхий Ажлын хэсгийг байгуулсан.
Өнөөдөр (2022.12.28) Хүнсний боловсруулах үйлдвэрлэлийн чиглэлээр судалж, санал боловсруулах үүрэг бүхий ажлын хэсгийн хуралдаан боллоо. Хуралдаанд:
- УИХ-ын гишүүн Т.Аубакир ахалж,
- Ерөнхийлөгчийн Үйлдвэр, үйлчилгээний бодлогын зөвлөх Ч.Даваабаяр,
- Ерөнхийлөгчийн Эдийн засгийн бодлогын зөвлөх Б.Даваадалай,
- Үндэсний аюулгүй байдлын зөвлөлийн ажлын албаны хэлтсийн дарга Д.Энхмаа,
- ЕТГ-ын Хүнсний төсөл, хөтөлбөрийн албаны Хүнсний мэргэжилтэн А.Амаржаргал,
- ХХААХҮЯ-ны Газар тариалангийн бодлогын хэрэгжилтийг зохицуулах газрын дарга Д.Есөн-Эрдэнэ,
- ХХААХҮЯ-ны Хүнсний үйлдвэрийн бодлогын хэрэгжилтийг зохицуулах газрын дарга Д.Довчинсүрэн,
- ХХААХҮЯ-ны Худалдаа, хоол үйлдвэрлэл, үйлчилгээний хэлтсийн дарга О.Онон,
- ЭЗХЯ-ны Бүс нутаг, аж үйлдвэрийн бодлогын газрын дарга Д.Эрдэнэбаяр,
- БШУЯ-ны Сурагчийн хоол үйлдвэрлэл, үйлчилгээний хэлтсийн дарга Т.Түмэнжаргал болон холбогдох албаны хүмүүс оролцлоо.
Хуралдаанаар “Хүнсний хангамж, аюулгүй байдал” үндэсний хөдөлгөөний хүрээнд Хүнсний гол нэр төрлийн 19 бүтээгдэхүүний үйлдвэрлэл, хэрэглээний өнөөгийн нөхцөл байдал, цаашид дотоодод үйлдвэрлэх зорилт, хөрөнгө оруулалт, санхүүжилтыг оновчтой хуваарилах стратеги арга хэмжээний төлөвлөгөөг хэлэлцлээ.
