Монгол Улсын Ерөнхийлөгч Ухнаагийн Хүрэлсүхийн санаачилсан “Хүнсний хангамж, аюулгүй байдал” үндэсний хөдөлгөөний хүрээнд “Эх оронч худалдан авалт-Үндэсний үйлдвэрлэл-2023” арга хэмжээг 2023.03.03-ны өдөр зохион байгуулах гэж байна.

Үзэсгэлэн зохион байгуулахтай холбогдуулан Ерөнхийлөгчийн Үйлдвэр, үйлчилгээний бодлогын зөвлөх Ч.Даваабаяр ажлын хэсгийг хүлээн авч санал солилцлоо.

Ажлын хэсгийн бүрэлдэхүүнд:

• Жижиг, дунд үйлдвэрийн газрын дарга Я.Эрдэнэсайхан ахалж,
• Стандарт хэмжил зүйн газрын Бүтээгдэхүүн тогтолцооны баталгаажуулалтын газрын дарга В.Ганзориг
• Төрийн худалдан авах ажиллагааны Газрын дарга Ц.Батзул
• Татварын Ерөнхий Газрын дарга Б.Заяабал
• ЕТГ-ын Хүнсний төсөл, хөтөлбөрийн албаны реферэнт А.Амаржаргал
• Жижиг, дунд үйлдвэрийн газрын Хэлтсийн дарга Э.Ундрал
• Баялаг бүтээгчдийг дэмжих холбооны Гүйцэтгэх захирал Б.Энх-Амгалан
• Монголын ЖДҮҮ-г дэмжих холбооны Удирдах зөвлөлийн гишүүн Б.Сэржмядаг
• Монголын арьс ширний үйлдвэрлэлийн холбооны Гүйцэтгэл захирал Т.Баярсайхан
• Монголын сав баглаа боодол үйлдвэрлэгчдийн нэгдсэн холбооны Тэргүүн Б.Болдбаатар
• Хэвлэлийн үйлдвэрүүдийн холбооны Нарийн бичгийн дарга Б.Ананд
• Монгол гэр, гэрийн иж бүрдэл үйлдвэрлэгчдийн нэгдсэн холбоо Захирал Д.Отгонпүрэв
• Оёдлын салбарын нэгдсэн мэргэжлийн холбооны Тэргүүн Ч.Энхзаяа
• Монголын гоо сайхны бүтээгдэхүүний кластер ТУЗ-ын гишүүн П.Дагвасүмбэрэл
• Монголын гоо сайхны бүтээгдэхүүний кластер ТУЗ-ын гишүүн Н.Сарангуа
• Монголын Махны Холбооны Захирал Н.Батсуурь
• Монголын хүнсчдийн холбооны Гүйцэтгэх захирал М.Нармандах
• Монголын жимс, жимсгэнийн нэгдсэн холбооны Гүйцэтгэх захирал Д.Энхмаа
• Гурил үйлдвэрлэгчдийн холбооны Гүйцэтгэх захирал Н.Мөнхсүрэн
• МҮХАҮТ-ын Гишүүнчлэлийн газрын мэргэжилтэн Л.Энхцэцэг нар оролцлоо.

Үзэсгэлэнд нийт 100 орчим үндэсний үйлдвэрлэгч, 50 гаруй төрийн байгууллагуудын төлөөлөл оролцох юм. Энэхүү үзэсгэлэнг зохион байгуулснаар төрийн худалдан авалтаар үндэсний үйлдвэрлэгчдээ дэмжих ажил эрчимжиж, олон баялаг бүтээгчдэд томоохон дэмжлэг үзүүлэх юм.

Монгол Улсын Ерөнхийлөгч У.Хүрэлсүх Ерөнхий сайд байхдаа 2019 оныг эх оронч худалдан авалт хийх жил болгон зарлаж, төр томоохон худалдан авагчийн хувьд дотоодын үйлдвэрлэгчдээ дэмжин ажиллахыг уриалж байсан. Үүний хүчинд олон компани хөл дээрээ зогсож, үйл ажиллагаагаа өргөжүүлсэн байдаг. Тэгвэл энэ ажлаа Монгол Улсын Төрийн тэргүүн болсны дараа үргэлжүүлж, илүү эрчимжүүлж эхэлсэн бөгөөд төрийн болон төрийн өмчит компаниудад ЕТГ-аас эх оронч худалдан авалт хийх тухай албан бичиг хүргүүлээд байна.