Монгол Улсын Ерөнхийлөгчийн Үйлдвэр, үйлчилгээний бодлогын зөвлөх Ч.Даваабаяр үндэсний үйлдвэрлэгч “БМ Фүүдс” компанийн үр тарианы тэжээллэг ундааны үйлдвэрийн үйл ажиллагаатай танилцлаа.
“БМ ФҮҮДС” ХХК нь БОЗА үр тарианы тэжээллэг ундааг нутагшуулах зорилгоор 2013 онд үүсгэн байгуулагдсан шингэн хүнсний үйлдвэр юм.
Аливаа хүн өөрт таалагдсан болон дуртай хүнсээ хэмжээ хязгааргүйгээр хэрэглэх нь эрүүл мэндэд олон сөрөг үр дагаврыг дагуулдаг. Хүн хүссэнээ бус, хэрэгтэй хүнсийг сонгож, зохистой хэмжээгээр хэрэглэх нь зүйтэй. Эрүүл зөв зохистой хооллолтыг хэвшүүлэхэд суурь болгож манай улсын Эрүүл мэндийн яамнаас хүний нас, хүйс, эрхэлж буй ажилтай уялдуулсан Монгол хүний зохистой хооллолтын гэр зөвлөмжийг зургаан бүлгээр боловсруулсан байдаг.
Өөрөөр хэлбэл та өөрийнхөө нас бие, эрхэлж буй ажлын байдлаас хамааруулж үндсэн 7 нэрийн хүнсийг ямар харьцаагаар хэрэглэх нь зохистойг тогтоосон байдаг. Мөн зохистой хооллолт нь зөвхөн хэмжээ бус өөр олон хүчин зүйлээс хамааралтай. Тухайн хүнсийг хэзээ, яаж, ямар орчин нөхцөлд хэрэглэвэл зохих төдийгүй чанарыг хамгаалах, хадгалах асуудлуудыг цогцоор нь авч үзэх нь зүйтэй. Хэчнээн зөв зохистой хоол хүнс сонгосон байлаа ч таагүй орчинд, зохисгүй хэрэглэвэл мэдээж тэр нь хоол гэхээсээ хор болох нь их.
Үр тарианаас гарган авсан бүтээгдэхүүн БОЗА нь тэжээллэг, шингэц сайтай тааламжтай амт, үнэртэй, хүний эрүүл мэндэд сайнаар нөлөөлөх пробиотик амьд бичил биетэн, эрдэс, амин дэмийг агуулсан байдгаараа жимс, хүнсний ногоо, сүүн бүтээгдэхүүнээс ялгаатай, давуу талтай.
