Монгол Улсын Ерөнхийлөгчийн Үйлдвэр, үйлчилгээний бодлогын зөвлөх Ч.Даваабаяр үндэсний үйлдвэрлэгч “Одь Тан” компанийн үйл ажиллагаатай танилцлаа.

Одь Тан уламжлалт эм, натурал гоо сайхны бүтээгдэхүүний үйлдвэр нь тасралтгүй 9 үе дамжсан 500 орчим жилийн түүхтэй жор дамжлагад суурилсан үйлдвэрлэлийг эрхэлж байна.

Монголын уламжлалт анагаах ухааныг дэлхийд таниулах зорилготой тус компани хүний гавъяат эмч П.Баатарын нэрээр Dr.Baatar брэндийг үүсгэн байгуулж олон улсын NonGMO, ECOCERT гэх мэт эко стандартуудыг хангаж байна.

Одь тан ХХК нь өнөөдрийн байдлаар 110 төрлийн уламжлалт эм, 16 төрлийн хүнсний нэмэлт бүтээгдэхүүн, 20 орчим төрлийн органик гоо сайхан, ахуйн хэрэглээний бүтээгдэхүүн үйлдвэрлэж байна. Тэдгээрээс 3 төрлийн эм, 2 төрлийн эрүүл мэндийн цайг Ковид 19 өвчний эмчилгээний практикт өргөнөөр хэрэглэж байгааг тус компанийн зүгээс хэллээ.