Монгол Улсын Ерөнхийлөгч У.Хүрэлсүхийн санаачилгаар хэрэгжиж буй “Хүнсний хангамж, аюулгүй байдал” үндэсний хөдөлгөөний хүрээнд Ерөнхийлөгчийн Үйлдвэр, үйлчилгээний бодлогын зөвлөх Ч.Даваабаяр баялаг бүтээгчдийн үйл ажиллагаатай танилцаж байна. Энэ хүрээнд үндэсний үйлдвэрлэгч “МонфүүдЛанд” ХХК-ийн үйл ажиллагаатай танилцлаа.
“Монфүүдланд” ХХК нь 2014 оноос эхлэн овьёос, бүхэл үр зэрэг үр тариа, зөгийн бал, ааруул, жимс, жимсгэнээр хүний эрүүл мэндэд тустай, амт чанартай хүнсний бүтээгдэхүүнүүд үйлдвэрлэж эхэлсэн. Монголдоо анхдагч өглөөний хоол (Granola cereal) болох Мовьёос нэрийн бүтээгдэхүүнийг үйлдвэрлэн дотоодынхоо хүнсний манаанд хувь нэмрээ оруулж буй баялаг бүтээгч юм.
“”МонфүүдЛанд” компани нь хүн амыг химийн гаралтай бодисны орц найрлагагүй, 100% байгалийн гаралтай, эрүүл мэндэд ач тустай бүтээгдэхүүнээр хангах зорилгоор 500 тонн овьёос үйлдвэрлэх хүчин чадалтайгаар байгуулагдсан. Үйлдвэрлэлийнхээ хүчин чадлыг бүрэн ашиглавал дотоодынхоо хүн амын 70 хувийг хангах бүрэн боломжтой 100 хувийн дотоодын хөрөнгө оруулалттай компани юм. Өнөөдрийн байдлаар 50 гаруй ажилчинтай, 50 гаруй нэр төрлийн бүтээгдэхүүн үйлдвэрлэн 2000 харилцагч дэлгүүрээр 10000 гаруй хүнд бүтээгдэхүүнээ хүргэж байна” хэмээн тус компанийн зүгээс хэллээ.
“Монгол Улсын Ерөнхийлөгчийн санаачилсан “Хүнсний хувьсгал” хөдөлгөөн хөрсөн дээр буусан ажил. Тухайлбал хүнсний салбарт хамаарагдаж буй том жижиг бүх аж ахуй нэгжүүдтэй уулзан тэдгээр үйлдвэрлэгчдийн санал бодлыг сонсож, хэрэгжүүлэх ажлын төлөвлөгөөндөө тусгаж байгаа нь сайшаалтай” хэмээн үндэсний үйлдвэрлэгчид илэрхийлсээр байна.
