Монгол Улсын Ерөнхийлөгч У.Хүрэлсүхийн санаачилгаар хэрэгжиж буй “Хүнсний хангамж, аюулгүй байдал” үндэсний хөдөлгөөний хүрээнд Ерөнхийлөгчийн Үйлдвэр, үйлчилгээний бодлогын зөвлөх Ч.Даваабаяр 80 гаруй баялаг бүтээгчдийн үйл ажиллагаатай танилцаад байна. Өнөөдөр /2023.03.09/ үндэсний үйлдвэрлэгч “Мөнхийн Болор” ХХК-д ажиллаж, санал хүсэлтийг нь сонслоо.
“Мөнхийн болор” ХХК нь хиам, мах, махан бүтээгдэхүүн үйлдвэрлэл, гадаад дотоод худалдаа эрхлэх чиглэлээр 2003 оноос эхлэн үйл ажиллагаагаа тасралтгүй явуулж байгаа баялаг бүтээгч юм.
Өдгөө тус компани нь өөрийн үйлдвэрийн байртай, өдөрт 15 тн-ний хүчин чадал бүхий тоног төхөөрөмжтэй, 50 гаруй ажилтан албан хаагчтай бөгөөд 12 төрлийн утлагатай хиам, 9 төрлийн чанамал, 6 төрлийн дотор махан хиам, 3 төрлийн утлагат бүтээгдэхүүн , бууз, банш, бүх төрлийн ангилсан мах зэргийг үйлдвэрлэж байна.
Мөнхий болор компанийн хамт олон шинэ технологи дээд зэргийн амт чанар бүхий бүтээгдэхүүн үйлдвэрлэж Хүнсний хувьсгалд хувь нэмрээ оруулан ажиллаж байна
