Монгол Улсын Ерөнхийлөгч Ухнаагийн Хүрэлсүхийн санаачилсан “Хүнсний хангамж, аюулгүй байдал” үндэсний хөдөлгөөнийг хэрэгжүүлэх зорилго бүхий Хүнс, хөдөө аж ахуйн хөгжлийн түнш бүлгийн ээлжит хурал /2023.03.23/ боллоо.

Тус арга хэмжээнд:

• ХХААХҮЯ-ны Төрийн нарийн бичгийн Дарга Т.Жамбалцэрэн,
• ЕТГ-ын Газрын Хүнсний төсөл, хөтөлбөрийн албаны Референт А.Амаржаргал,
• ЕТГ-ын Хүнсний төсөл, хөтөлбөрийн албаны Референт Р.Будмаа,
• ХХААХҮЯ-ны Худалдаа, хоол үйлдвэрлэл, үйлчилгээний хэлтсийн дарга О.Онон,
• ХХААХҮЯ-ны Мэдээллийн технологи, статистикийн хэлтсийн дарга Ж.Батсайхан,
• ХХААХҮЯ-ныМГНХ-ийн дарга Ц.Мөнхнасан,
• “Монгол ногоо” үндэсний хөтөлбөрийн Зохицуулагч, агрономич Т.Төрмөндах нар болон холбогдох албаны хүмүүс оролцлоо.
• “Грийн липс” ХХК-ийн үүсгэн байгуулагч Ж.Пүрэвжав нарын албаны хүмүүс оролцлоо.

Олон улсын байгууллагуудыг төлөөлж:

• НҮБ-ын Хүнс, хөдөө аж ахуйн байгууллагын суурин төлөөлөгч Винод Ахужа,
• НҮБ-ын Аж үйлдвэр хөгжлийн байгууллага (UNIDO)-ын хөтөлбөрийн зохицуулагч Г. Мөнхболор,
• АНУ-ын Элчин сайдын яамны Байгаль орчин, шинжлэх ухаан, технологи, эрүүл мэндийн салбарын төлөөлөл,
• Европын Холбооны Улсуудын Монгол дахь төлөөлөгчийн газрын Хамтын ажиллагааны багийн ахлагч Адриен Мург,
• Жайка-ийн Монгол дахь Төлөөлөгчийн газрын Суурин төлөөлөгч Накамүра Кэйго,
• Жайка-ийн Монгол дахь Төлөөлөгчийн газрын Зөвлөх (NTC International) Такаши Кокегава,
• Хөдөө аж ахуйн хөгжлийн Олон улсын сан (IFAD)-ийн Улс орны хөтөлбөрийн зөвлөх Сабина Шмидт,
• Олон улсын санхүүгийн корпораци (IFC)-ийн “Монгол мах” төслийн удирдагч Д.Жигжидмаа нар болон хөгжлийн түншлэлийн гишүүд оролцож “Мал аж ахуйн өнөөгийн нөхцөл байдал” хамтын ажиллагааны хэтийн төлөвийн талаар ярилцлаа.

Уулзалтыг НҮБ-ын Хүнс, хөдөө аж ахуйн байгууллага (UNFAO)-ын Монгол улс дахь суурин төлөөлөгч Винод Ахужа нээж үг хэллээ. ХХААХҮЯамнаас салбарын хаваржилтын нөхцөл байдал, хэрэгжүүлж буй ажлын талаар танилцууллаа.

Түүнчлэн Японы олон улсын хамтын ажиллагааны байгууллага /ЖАЙКА/-ын санхүүжилтээр “Хөдөө, аж ахуйн нэмүү өртгийн сүлжээний Мастер төлөвлөгөө боловсруулах төсөл” хэрэгжиж байгаа бөгөөд энэхүү Мастер төлөвлөгөөний явцын талаар танилцуулга, мэдээлэл хийлээ. Төслийн зорилго нь ХАА-н стратегийн өртгийн сүлжээг хөгжүүлэх Мастер төлөвлөгөөг (MT) боловсруулж, бүс нутгийн хөгжлийн бодлого, Монгол Улсын ХХАА-н салбарын үндэсний хөтөлбөрт тусгах явдал юм.

Уг төсөл нь Монгол улсын хөдөө аж ахуйн салбарын тогтвортой хөгжлийг дэмжих дараах 3 чиглэлээр ажиллаж байна.

• Мастер төлөвлөгөө, Үйл ажиллагааны төлөвлөгөө боловсруулах.
• ХАА-н бүтээгдэхүүний нэмүү өртгийн сүлжээг дэмжихэд чиглэсэн туршилтын төсөл хэрэгжүүлнэ.
• ХАА-н маркетингийн платформ (ХААМП) байгуулна.