Монгол Улсын Ерөнхийлөгч Ухнаагийн Хүрэлсүхийн санаачилгаар хэрэгжиж буй “Хүнсний хувьcгал” үндэсний хөдөлгөөний хүрээнд хоол, хүнсний зөв, зохистой, соёлтой хэрэглээний талаарх сургалт, сурталчилгаа, соён гэгээрүүлэх ажлыг хэвлэл мэдээллийн байгууллагууд эрчимтэй хэрэгжүүлээд байна.

Монголын Үндэсний Олон Нийтийн Радио Телевизээс төрийн тэргүүний санаачилгыг бүрэн дэмжин ажиллаж байгаа бөгөөд өөрсдийн санаачилгаар “Хүнсний хувьсгал” үндэсний хөдөлгөөний хүрээнд хэрэгжүүлэх төсөл боловсруулжээ.

Өнөөдөр /2023.05.01/ МҮОНРТ-ийн захирал А.Бүрэнбаатараар ахлуулсан төслийн баг Монгол Улсын Ерөнхийлөгийн тамгын газартай уулзаж, төслийн үйл ажиллагааны төлөвлөгөөг танилцууллаа.

Уулзалтад:

• Монгол Улсын Ерөнхийлөгчийн Үйлдвэр, үйлчилгээний бодлогын зөвлөх Ч.Даваабаяр,
• Монгол Улсын Ерөнхийлөгчийн Эдийн засгийн бодлогын зөвлөх Б.Даваадалай

МҮОНРТ-ийг төлөөлөн:

• МҮОНРТ-ийн захирал А.Бүрэнбаатар
• МҮОНТ-ийн захирал Ж.Баярбаатар,
• МҮОНРТ-ийн Ерөнхий найруулагч Ц.Ганхүү, Д.Мөнхшүр нар оролцлоо.