Ерөнхийлөгчийн Тамгын газрын Хүнсний төсөл, хөтөлбөр хариуцсан албаны төлөөлөл /2023.06.14/ Япон улсын “Шимацү Корпораци”-ийн Монгол дахь төлөөлөгч Си-Ай-Ти компанийн ирүүлсэн хүсэлтийн дагуу Шимацүгийн ази салбарын төлөөлөгчидтэй уулзалт хийж, УИХ-аас баталсан 36-р тогтоолын бодлого, арга хэмжээний талаар санал солилцлоо.

Уулзалтад:

• ЕТГ-ын Референт А.Амаржаргал,

Шимацү корпорацийг төлөөлөн:

• Шимацү корпорацийн Ази хариуцсан захирал Hideki Nishimaru,
• Шимацү корпорацийн Солонгос дахь салбарын захирал Jung-sil Kim,
• Шимацүгийн Монгол дахь төлөөлөгч Си-Ай-Ти ХХК-ийн Гүйцэтгэх захирал Б.Мөнхгэрэл,
• Си-Ай-Ти ХХК-ийн Гадаад харилцааны менежер Н.Тамир нар оролцлоо.

Уулзалтаар Монгол Улсын Ерөнхийлөгч У.Хүрэлсүх уур амьсгалын өөрчлөлт, цөлжилтийн нөлөөллийг бууруулах зорилгоор “Тэрбум мод”, ирэх таван жилд хүнсний гол нэрийн 19 төрлийн бүтээгдэхүүнээр хэрэгцээгээ дотоодоос хангах “Хүнсний хангамж, аюулгүй байдал”, эрүүл амьдралын хэв маягийг дэмжиж, архи, согтууруулах ундааны соёлтой хэрэглээг төлөвшүүлэх “Эрүүл монгол хүн” үндэсний хөдөлгөөнийг санаачлан хэрэгжүүлж байгаа нь 150 жилийн түүхт “Шимацү” корпорацийн нийгмийн аюулгүй байдлыг хамгаалах, хүн амын эрүүл мэндийг сахин хамгаалах зорилттой уялдаж байгаа талаар дурдаад компанийн үйл ажиллагааг танилцууллаа.