МУ-ын Ерөнхийлөгчийн Үйлдвэр, үйлчилгээний бодлогын зөвлөх Ч.Даваабаяр /2023.06.20/ Хөдөө, аж ахуйн их сургуулийн Захирал Б.Баасансүхийг хүлээн авч уулзлаа.
Уулзалтаар “Хүнсний хангамж, аюулгүй байдлыг хангах талаар авах зарим арга хэмжээний тухай” УИХ-ын 36 дугаар тогтоолыг хэрэгжүүлэх арга хэмжээнд тусгасан Хүнс, хөдөө аж ахуй, хөнгөн үйлдвэрлэлийн салбарын ажилтан бэлтгэх сургалтын чанарыг сайжруулах, мэргэшсэн ажилтны ур чадварыг дээшлүүлэх, эдгээр салбарт тэргүүлэх чиглэлээр суралцагчид мэргэшсэн ажилтны ур чадварыг дээшлүүлэх боломж шийдэл, ХААИСургуулийн хэрэгжүүлэх арга хэмжээний хэрэгжилтийн талаар ярилцаж, санал солилцлоо.
ХААИС нь өнөөдрийн байдлаар бүрэлдэхүүн 5 сургууль, орон нутгийн салбар нэг сургууль, харьяа эрдэм шинжилгээний дөрвөн хүрээлэнтэй, эрдэм шинжилгээ-сургалт үйлдвэрлэлийн төвтэй, шинжлэх ухаан шинэ техник технологид суурилсан сургалт, эрдэм шинжилгээ үйлдвэрлэлийн үйл ажиллагаа явуулан 1000 гаруй эрдэмтэн багш, эрдэм шинжилгээний ажилтан ажиллаж, бакалавр, магистр, докторын шаталсан сургалтад 9000 гаруй оюутан суралцаж байна.
