Монгол Улсын Ерөнхийлөгч У.Хүрэлсүхийн санаачилсан “Хүнсний хангамж, аюулгүй байдал” үндэсний хөдөлгөөний хүрээнд “Хүнсний хангамж, аюулгүй байдлыг хангах талаар авах арга хэмжээний тухай” УИХ-ын 36 дугаар тогтоол, Монгол Улсын Их Хурлын түр хорооны 2023 оны 01 дүгээр сарын 11-ний өдрийн 02 дугаар тогтоол болон 2023 оны Засгийн газрын 63 дугаар тогтоолуудын хэрэгжилтийг хангах, төр хувийн хэвшлийн түншлэлийг хөгжүүлэх, дотоодын хүнс, хөдөө аж ахуй, хөнгөн үйлдвэрлэлийн ололт амжилт, туршлага, шинэ инновацыг баялаг бүтээгчдэд танилцуулах, төр засгаас гарсан шийдвэрүүдийг сурталчлан таниулах, бизнес хоорондын хамтын ажиллагааны сүлжээг өргөжүүлэх, харилцан ашигтай түншлэлийг хөгжүүлэхэд үр дүн үзүүлэх зорилгоор ЕТГ-аас “Баялаг бүтээгч- Бизнес тур” аялалыг зохион байгуулж байна.
Өнөөдөр Монголын ундаа шүүсний зах зээлд 26 жилийн турш үнэтэй хувь нэмэр оруулж буй “Витафит” компанийн ундаа, жүүс, сүүн бүтээгдэхүүний үйлдвэрийн үйл ажиллагаатай танилцлаа. “Витафит Инвест” ХХК-ийн Орлогч захирал Ч.Ванчин-Эрдэнэ, Үйлдвэрлэл эрхэлсэн захирал Ч.Нарангэрэл, Маркетингийн албаны дарга Н.Долгор тэргүүтэй хамт олон баялаг бүтээгчдийг хүлээн авч, компанийн түүхэн замнал, үйл ажиллагааны талаарх танилцуулга, мэдээлэл өгч, санал солилцлоо.
Монголын ундаа шүүсний зах зээлд 26 жилийн турш үнэтэй хувь нэмэр оруулж буй “Витафит” компани нь 1000 гаруй ажлын байрыг бий болгож буй үндэсний топ баялаг бүтээгчдийн нэг бөгөөд монголын ард түмнийг 1997 оноос хойш шингэн хүнсээр тасралтгүй ханган ажиллаж байна.
АРГА ХЭМЖЭЭНД:
- Монгол Улсын Ерөнхийлөгчийн зөвлөх Ч.Даваабаяр,
- УИХ-ын Үйлдвэржилтийн бодлогын байнгын хорооны Ахлах зөвлөх Б.Гандулам,
- УИХ-ын Байгаль орчин хүнс хөдөө аж ахуйн байнгын хорооны зөвлөх Ш.Ариунжаргал.
- БШУЯ-ны Суралцагчийн хоол үйлдвэрлэлийн хэлтсийн дарга Т.Түмэнжаргал,
- “Баялаг бүтээгчдийг дэмжих холбоо”-ны Гүйцэтгэх захирал Б.Энх-Амгалан нар болон 50 гаруй баялаг бүтээгчдийн төлөөлөл оролцож байна.
