Монгол Улсын Ерөнхийлөгч Ухнаагийн Хүрэлсүхийн санаачилсан “Хүнсний хангамж, аюулгүй байдал” үндэсний хөдөлгөөн цар хүрээгээ улам бүр тэлэн эх орон даяар эрчимтэй өрнөж байна. Тус хөдөлгөөнд өөрсдийн хувь нэмрээ оруулж буй олон баялаг бүтээгчид бий. Эдгээрийн нэг “TOUS les JOURS” брэнд юм.
“Артизан” ХХК нь анх 2016 онд БНСУ-ын CJ группийн “TOUS les JOURS” брэндийг Монгол Улсад нэвтрүүлж байсан бол өдгөө 7 дахь жилийн ой дээрээ 17 дахь шинэ салбарынхаа нээлтээ хийлээ.Энэхүү нээлтийн үйл ажиллагаанд Монгол Улсын Ерөнхийлөгчийн зөвлөх Ч.Даваабаяр оролцож, мэндчилгээ дэвшүүллээ.
“TOUS les JOURS” брэнд нь Монголын бэйкэри салбарт технологийн дэвшил, шинэ соёл, үйлчилгээний стандартыг нэвтрүүлэн эрүүл, шинэхэн хүнсээр амьдралын чанарыг сайжруулахад нэг шат ахиулсан юм. Үүний дээр 400 гаруй хүнийг ажлын байраар хангахын зэрэгцээ үндэсний томоохон үйлдвэрлэгчидтэй хамтран ажиллаж байна.
Тус брэндийн 17 дахь шинэ салбар нь орчин үеийн чиг хандлагад нийцүүлэн хөгжүүлсэн онцгой дүр төрх, гайхалтай амт бүхий баялаг нэр төрлийн бүтээгдэхүүн, үйлчилгээг олон улсын стандартад нийцүүлэн хэрэглэгчдэд хүргэж байна. Ингэснээр Монголын бэйкэри салбарыг шинэ түвшинд хүргэж байгаа юм.
