Дэлхийн 13 улсад хэрэгжсэн, эмэгтэйчүүдийн бизнес эрхлэлт, нийгэмд эзлэх байр суурийг дэмждэг “SHE TRADES” төслийг “THE INTERNATIONAL TRADE CENTRE” (ITC) буюу Олон улсын худалдааны төвөөс санаачилдаг билээ.
Монгол улсын Ерөнхийлөгчийн ивээл дор зохион байгуулагдсан “Дэлхийн Экспортыг Дэмжих Форум”-ын үеэр “SHE TRADES” төслийг танилцуулахаар Олон улсын худалдааны төвийн Эдийн засгийн асуудал хариуцсан туслах мэргэжилтэн Эдисон Яп Монголд улсад хүрэлцэн ирж, НЖДҮҮДТ НӨҮГ-ын дарга Г.Гангамөрөн, хэлтсийн дарга М.Мөнхжаргал, Ж.Уянга нартай уулзалт хийн, монгол эмэгтэйчүүдийн дэлхийд өрсөлдөх боломж, нөөц бололцоо, бизнес эрхлэгч эмэгтэйчүүдэд зориулсан олон төрлийн сургалт, тэдэнд тулгамдаж буй асуудлуудын талаар ярилцлаа.
SheTrades санаачилга нь Монголын өнцөг булан бүрээс бизнес эрхлэгч эмэгтэйчүүдийг нэгтгэн эмэгтэйчүүдийг хамарсан бизнесийн экосистемийг бэхжүүлэх нь нэн тэргүүний зорилт хэвээр байгаа бөгөөд экспортын боломжийг бүрдүүлэн эмэгтэй бизнес эрхлэгчдийн чадавхыг сайжруулах дэлхий даяарх боломжит худалдан авагчид, хөрөнгө оруулагчид болон түншүүдтэй холбох мэдээлэл зөвлөгөө өгөхөд үйл ажиллагаа чиглэнэ
