Ард түмнээ эрүүл, аюулгүй хүнсээр хангах, бүс нутагтаа экспортлогч улс болох зорилгоор Монгол Улсын Ерөнхийлөгч У.Хүрэлсүхийн санаачлан батлуулсан УИХ-ын 36-р тогтоолыг 40 орчим төрийн байгууллага хамтран хэрэгжүүлэх бөгөөд хагас жил тутам уулзалт зохион байгуулж, үр дүн хийсэн ажлаа тайлагнадаг. Энэ хүрээнд 2023.06.27-ны өдөр болсон хоёр дахь уулзалтад ирээгүй төрийн байгууллагуудад албан бичиг хүргүүлж, тайлангаа өгөхийг шаардлаа.
“Хүнсний хангамж, аюулгүй байдал” үндэсний хөдөлгөөний хүрээнд зөвхөн төрийн байгууллагууд бус олон улсын байгууллагууд, хувийн хэвшлүүд, аж ахуйн нэгжүүд идэвхтэй хамтран ажиллаж байна. Төрийн бодлого шийдвэр гарч, энэ талаар зорилтот бүлэгт мэдээлэл олгох үе шаттай сургалтуудыг зохион байгуулж, хэрэглэгч, ард түмэнтэй шууд харилцаж байгаа үйлдвэрлэгч, баялаг бүтээгчдийн хамтын ажиллагааг дэмжин олон төрлийн, цуврал үйл ажиллагааг зохион байгуулснаар тус хөдөлгөөн бодитой үр дүнгээ өгсөөр байна.
Нийт 5 жилийн хугацаанд хэрэгжих энэхүү хөдөлгөөний цар хүрээ дөнгөж эхний жилдээ ахиц гарган, “Хүнсний хувьсгал” болсон юм.
