Хүнс, хөдөө аж ахуйн Үйлдвэр, худалдаа үйлчилгээний албаны дарга Б.Цолмонбаяраар ажлуулсан ажлын хэсэг 2023.08.18-23-ны өдрүүдэд Тариалан, Эрдэнэбулган, Их-Уул, Рашаант сумдад ажиллалаа.
Энэ онд аймгийн хэмжээнд 17080,9 га талбайд тариалалт хийж 8 дугаар сарын байдлаар урьдчилсан баланс тогтооход үр тариа 16821 га-аас 26750 тн үүнээс улаанбуудай 16597 га-аас 26555 тн мөн малын тэжээл 925 га-аас 2955 тн, тосны ургамал 2022 га-аас 1213 тн, төмс 272 га-аас 3264 тн, хүнсний ногоо 243 га-с 2159 тн ургац тус тус хураан авах ургацын урьдчилсан баланс гараад байна.
Цаг агаарын тааламжгүй байдлаас мөндөрт 200 га, тэжээлд 60 га шилжээд байна. Улаанбуудай аарцан болцын үе шатанд байгаа бөгөөд цаг агаар хэвийн байвал 9 дүгээр сарын эхээр ургац хураалт эхлэх төлөвтэй байна.
Мөн төмс, хүнсний ногооны хувьд түүвэр хураалт үргэлжилж, бүтээгдэхүүнээ зах зээлд борлуулж эхлээд байна.
