Баян-Өлгий аймгийн Хүнс, хөдөө аж ахуйн газраас ургац хураалтын явцын талаар мэдээлэл хийлээ. Энэ жилийн хувьд 4, 5, 6 дугаар саруудад хүйтэн сэрүүхэн, хөрсний температур нь үр суух хэмжээнд хүрч дулаарахгүй байсантай холбоотойгоор хаврын тариалалт оройтож эхэлсэн. Үүнд: Төмс 316,2 га, хүнсний ногоо 157,5 га, жимс жимсгэнэ 96,3 га, малын тэжээл 800 га-д тус тус тариалж нийт 1370 га талбайд тариалалт хийсэн байна.
УРГАЦЫН БАЛАНС:
2023.08.18-21-ний өдрүүдэд ургацын урьдчилсан баланс тогтоох, хураалтад ажиллах хүн хүч, уринш, техникийн бэлэн байдал, ургацын төлөв байдал, салбарт хэрэгжиж буй бодлого, үйл ажиллагаатай танилцах ажлаар газар тариалан бүхий Баяннуур, Сагсай, Алтанцөгц сумдад ажиллалаа.
ҮҮНД:
- Малын тэжээл 12 цн буюу 800 га-аас 1500 тн,
- Төмс 90цн буюу 316,2 га-аас 2805 тн,
- Хүнсний ногоо 80 цн буюу 157 га-аас 1150 тн, тус тус хураан авах урьдчилсан баланс гараад байна.
Мөн энэ жилийн хувьд цаг агаарын тааламжгүй байдлаас болж нийт 60 га талбай буюу нийт талбайн 4,4 хувь усанд автаад байна. Төмс 12 га, хүнсний ногоо 17 га талбай малын тэжээл Жимс,жимсгэнэ 7 Малын тэжээл 24 га тус тус алдаад байна.
