Мал эмнэлгийн ерөнхий газар УИХ-аас баталсан “Хүнсний хангамж, аюулгүй байдлыг хангах талаар авах зарим арга хэмжээний тухай” 36-р тогтоолыг хэрэгжүүлэх арга хэмжээний төлөвлөгөөнд тусгасан “Хүнсний аюулгүйн үзүүлэлтийг тодорхойлох, пестицид, малын эм, хоруу чанар өндөртэй нян, хүнд металлын үлдцийг хянах, хяналтын төлөвлөгөөг батлах зорилт, мөн ХХААХҮ-ийн Сайдын тушаалаар “Малын эмийн үлдэгдлийн хяналтын үндэсний хөтөлбөр”-т малын эмийн үлдэцийн шинжилгээний чадавхыг нэмэгдүүлэх зорилтыг дэвшүүлэн ажиллаж байна.
Энэхүү зорилтын хүрээнд Эрүүл мэндийн сайд, Хүнс, хөдөө аж ахуй хөнгөн үйлдвэрийн сайдын хамтарсан тушаалаар батлагдсан “Бичил биетний тэсвэржилтээс сэргийлэх салбар дундын үйл ажиллагааны төлөвлөгөө”-ний дагуу НҮБ-ын Хүнс хөдөө аж ахуйн байгууллагын “Бичил биетний тэсвэржилттэй холбоотой кодексын стандартын хэрэгжилтийг дэмжих арга хэмжээ” төсөл, “Нэг эрүүл мэнд” төсөлтэй хамтран 21 аймаг, нийслэлийн Мал эмнэлгийн лабораторид малын эмийн үлдэц, бичил биетний тэсвэржилтийг тодорхойлох шинжилгээний арга зүйг эзэмшүүлэх сургалтыг зохион байгуулахаар 4 бүс 2 ажлын хэсэг орон нутагт ажиллаж байна.
Энэхүү сургалт нь анх удаа мал эмнэлгийн салбарт зохион байгууллагдаж байгаагаараа онцлог, давуу талтай юм.
Сургалтыг зохион байгуулснаар аймаг, нийслэлийн Мал эмнэлгийн лабораториуд Европын холбооны журмын шаардлагыг хангасан аргаар
- Малын мах, сүүнд антибиотикийн үлдэгдлийг тодорхойлох чадавх,
- Бичил биетний тэсвэржилийг тодорхойлох антибиотикийн мэдрэг чанарын шинжилгээний чадавх бүрдэж нийтийн эрүүл мэндийг хамгаалах, хүнсний аюулгүй байдлыг хангахад чухал ач холбогдолтой юм.
Төвийн бүсийн сургалтад Өвөрхангай, Төв, Дундговь, Архангай, Өвөрхангай, Баянхонгор, Завхан аймгууд, баруун бүсийн сургалтад Ховд, Баян-Өлгий, Увс, Говь-Алтай аймгуудын мал эмнэлгийн лабораторийн ариун цэвэр, магадлан шинжилгээний эмч, нян судлалын шинжээч эмч нийт 20 гаруй албан хаагч хамрагдаж байна.
Сургалтаар мал эмнэлгийн лабораторийн шинжлэгч эмч нар малын маханд бета-лактами, сульфаниламил, тетрациклиний зөвшөөрөгдөх дээд хэмжээнээс хэтэрсэн үлдэцийг чанарын аргаар тодорхойлох, түргэн тестийн ( Meat Sensor BST) шинжилгээ хийх, малын сүүнд хлорамфеникол, стрептомицин, бета-лактамын, тетрациклины бүлгийн антибиотикийн үлдэцийг шинжлэх, тэсвэржсэн бичил биетэн (E.Coli)-г тодорхойлох шинжилгээ хийх ур чадварыг эзэмших юм.
