Баян-Өлгий аймагт жил бүр уламжлал болон зохион байгуулагддаг “Намрын ногоон өдрүүд” үзэсгэлэн худалдааны нээлт өнөөдөр буюу 2023 оны 09 дүгээр сарын 15-ны өдөр Алтанцөгц сумд ахмад агрономич З.Займ агсны нэрэмжит ургацын баяраар эхэллээ. Уг өдөрлөгөөр эх орны хөрсөнд тарьж ургуулсан шинэ ургацын ногоо, дотоодын үйлдвэрлэгчдийн бүтээсэн төрөл бүрийн бараа, бүтээгдэхүүнийг хэрэглэгчдэд сурталчлан таниулах, борлуулалтыг дэмжих зорилготой юм.
Арга хэмжээг Тус сумын тариаланчдын холбоо, Аймгийн Хүнс хөдөө аж ахуйн газар,хамтран зохион байгуулав.
Арга хэмжээний нээлтэд Хүнс хөдөө аж ахуйн газрын дарга Б.Нургулан, Алтанцөгц сумын тариаланчдын тэргүүн З.Болатбек, Сумын газар тариалангийн мэргэжилтэн Б.Серик болон албаны бусад хүмүүс оролцлоо.
Хүнс, хөдөө аж ахуйн газрын дарга Б.Нургулан нээлтийн үеэр Монгол Улсын Ерөнхийлөгч У.Хүрэлсүхийн санаачилгаар “Хүнсний хангамж, аюулгүй байдал” үндэсний хөдөлгөөний хүрээнд тус сумын иргэдэд эко аюулгүй эрүүл чанартай, тогтвортой үнэтэй хүнсээр хангаж байгаад гүн талархал илэрхийлэв. Түүнчлэн монгол газрын эрүүл хөрсөнд ургасан шимт хүнс дэлхийн зах зээл дээр гарах цаг ч мөрөөдөл биш, удахгүй биелэх зорилт гэж салбарын даргын хувьд бодлогоо тодорхойлж ажиллах болно” хэмээн онцоллоо.
