Монгол Улсын Ерөнхийлөгчийн санаачилсан “ХҮНСНИЙ ХУВЬСГАЛ” үндэсний хөдөлгөөн, Засгийн газрын “ШИНЭ СЭРГЭЛТИЙН БОДЛОГО: Хот, Хөдөөгийн Сэргэлт”-ийн хүрээнд МУ-ын Ерөнхийлөгчийн Эдийн засгийн бодлогын зөвлөх Б.Даваадалайн санаачилгаар “ЭРДЭНЭТ СҮРГИЙН ЭЗЭД – 1000” малчдын нэгдсэн хэлэлцүүлгийг 2023 оны 09 дүгээр сарын 22-ны өдөр Баянхонгор аймагт зохион байгуулна.
Хэлэлцүүлэгт:
- МУ-ын Ерөнхийлөгчийн Эдийн засгийн бодлогын зөвлөх Б.Даваадалай,
- ХХААХҮЯ-ны Бодлого төлөвлөлтийн газрын мэргэжилтэн, (PhD) П.Түмэнбаяр
- ХХААХҮЯ-ны Бодлого төлөвлөлтийн газрын шинжээч Э.Сугарбаяр,
- НҮБ-ын ХХААБ-ын Техникийн зөвлөх, доктор С.Жигжидпүрэв,
- Мал эмнэлгийн ухааны доктор (PhD) Д.Ууганбаяр,
- Монголын бэлчээр ашиглагчдын нэгдсэн холбооны баталгаажуулалтын албаны дарга Л.Ганцогт,
- Мета-Агро ХХК-ийн ТУЗ-ийн дарга Т.Мөнхтөр,
- “Ингэний Эрдэнэ” ОНӨААТҮГ-ын захирал Д.Хишигбаяр тэргүүтэй албаны хүмүүс болон мал аж ахуйн салбарын баялаг бүтээгчид, хоршоод, иргэд, аж ахуй нэгжийн төлөөлөл оролцоно.
Монгол улсын эдийн засгийн тулах цэг бол мал аж ахуй салбар юм. Мал аж ахуйн салбарын үйл ажиллагаа нь бусад хүчин зүйлээс илүүтэйгээр байгаль, цаг агаараас хамааралтай бөгөөд бүтээгдэхүүн нь үндсэндээ хүн амын хүнсний хэрэглээ, боловсруулах үйлдвэрлэлийн салбарын түүхий эдийг хангаж байна.
