“Малын бруцеллёз өвчинтэй тэмцэх 2015-2021 онуудад хэрэгжсэн стратеги төлөвлөгөө”-ний хэрэгжилтэд хийсэн үнэлгээг үндэслэж 2024-2027 онд хэрэгжих шинэ стратеги төлөвлөгөөний төслийг танилцуулж, санал солилцох уулзалт, хэлэлцүүлгийг Дэлхийн банкны санхүүжилтээр Хүнс, хөдөө аж ахуй, хөнгөн үйлдвэрийн яам, НҮБ-ын Хүнс, хөдөө аж ахуйн байгууллагатай хамтран зохион байгууллаа.
Бруцеллёз өвчинтэй тэмцэх шинэ стратеги төлөвлөгөөний (2024-2025) төслийн хэлэлцүүлэгт малын бруцеллёз өвчнөөс эрүүл статусыг аймаг, бүс нутгаар буюу бүсчлэн баталгаажуулах арга хэмжээг тусгах, салбар дундын хамтын ажиллагааг тодорхой болгох, төлөвлөж байгаа арга хэмжээнүүдийг төсөв, санхүүжилтийн нөөцтэй уялдуулах, өмнөх стратеги төлөвлөгөөнд тусгагдсан зарим хэрэгжүүлэх үйл ажиллагааг сайжруулж талаар санал солилцож хэлэлцүүллээ.
Мал эмнэлгийн салбарын мэргэжилтэн нарын дунд хэлэлцүүлсэн “Малын бруцеллёз өвчинтэй тэмцэх 2024-2028 онуудад хэрэгжсэн шинэ стратеги төлөвлөгөө”-ний хэлэлцүүлэгт ирүүлсэн саналыг сайжруулан тусгаж энэ ондоо багтаан Хүнс, хөдөө аж ахуй, хөнгөн үйлдвэрийн сайдаар батлуулахаар ажиллаж байна.
Хэлэлцүүлэгт Мал эмнэлгийн ерөнхий газар, Биокомбинат ТӨХХК, Улсын мал эмнэлэг, ариун цэврийн төв лаборатори, Мал эмнэлгийн хүрээлэн, Нийслэлийн мал эмнэлгийн газрын мэргэжилтнүүдийн төлөөлөл болох нийт 23 хүн оролцлоо.
Мөн хэлэлцүүлгийн үеэр Өвөрхангай аймагт төслийн дэмжлэгтэй хэрэгжиж байгаа “Эрүүл сүрэгтэн” хөтөлбөр болон сарлагийн сүүнд Сүүний цагирган урвал тавих арга зүй боловсруулах шаардлага, Роз-бенгалын урвалын мэдрэг чанар, цаашид анхаарах асуудлуудын талаар танилцуулж санал солилцлоо.
