Монгол Улсын Ерөнхийлөгч У.Хүрэлсүхийн санаачилсан “Хүнсний хангамж, аюулгүй байдал” үндэсний хөдөлгөөний хүрээнд монголын хүнс, хөдөө аж ахуйн салбарын үйлдвэрлэгчид Франц улсад бизнес аялал хийж байна. Энэ хүрээнд дэлхийн хамгийн том хүнсний бөөний зах болох Ранжис олон улсын захтай танилцлаа.

 Тодруулбал Монгол Улсын Ерөнхийлөгчийн тамгын газар, Гадаад харилцааны яам, Монголын Худалдаа аж үйлдвэрийн танхим энэхүү бизнес аяллыг хамтран зохион байгуулж байгаа бөгөөд Монгол Улсын Ерөнхийлөгчийн зөвлөх Ч.Даваабаяр болон Гадаад харилцааны яамны Гадаад худалдаа, эдийн засгийн хамтын ажиллагааны дарга Г.Өлзийсайхан нар аяллыг ахаллаа.

Франц улсын Парис хотын гол зах зээл нь Ранжис олон улсын захад эргэлдэж байдаг. Ихэвчлэн хүнс, хүнсний ногоо болон цэцэрлэгжүүлэлттэй холбоотой бүх төрлийн бүтээгдэхүүн энд худалдаалдаг.

10-20 дугаар зууны дунд үе хүртэл Парисын төв зах нь хотын төвд, Лес Халлес хэмээх 10 га талбайд байрладаг байв. Энэ нь бизнесийн бүх эрэлт хэрэгцээг хангахад хэтэрхий жижиг болж, 1969 онд зах зээлийг хотын зах руу шилжүүлснээр энэхүү худалдааны төв байгуулагджээ. Ранжис нь төмөр зам, хурдны замаар явахад хялбар, Орли олон улсын нисэх онгоцны буудалтай ойрхон байрладаг маш том давуу талтай.

Энэхүү хүнсний зах нь Франц улсын төрийн өмч. Гол үйлчлүүлэгчид нь үйлдвэр, үйлчилгээний салбарынхан юм. Мөн мал эмнэлэг, ургамал, хүнсний ногооны эрүүл ахуйн хяналт дээд зэргээр хөгжжээ.

Ранжис захаас гарсан хог хаягдлыг дахин боловсруулж, шатаах зуухнаас гаргаж авсан эрчим хүчийг зах болон ойролцоох Орли нисэх онгоцны буудлыг халаахад ашигладаг байна.

Өдөрт 13,000 хүн ажиллаж, 26,000 тээврийн хэрэгсэл орж гардаг. Мөн өдөрт 18 сая хүн ямар нэг байдлаар Ранжис захын бүтээгдэхүүнийг хэрэглэдэг байна.

 Нийт 1200 гаруй аж ахуйн нэгжтэй хамтран ажилладаг бөгөөд Монгол Улсын бизнес эрхлэгчидтэй харилцан ашигтай хамтын ажиллагаа эхлүүлэхийг хүсэж байгааг Ранжис захыг удирддаг “Симмарис” компанийн удирдлагууд хэллээ.