Сэлэнгэ аймгийн Шаамар сумын “Хөдөө аж ахуйн хүлэмжийн паркад Хүнсний хангамж, аюулгүй байдал, хашаанаасаа 50 сая “Хүлэмжний анхны намрын баяр” өдөрлөг зохион байгуулагдлаа.
Тус үйл ажиллагаанд:
• УИХ-ын гишүүн Д.Өнөрболор
• ЕТГ-ын Хүнсний төсөл, хөтөлбөр хариуцсан албаны дарга А.Амаржаргал
• Сэлэнгэ аймгийн Хүнс, хөдөө аж ахуйн газрын дарга Б.Мөнхтөр
• БНСУ-ын Засгийн газрын харьяа Хөдөөгийн хөгжлийг дэмжих газрын Монгол дахь төлөөлөгч KOPIA төвийн захирал У Мён Гү нар оролцов.
“Хүлэмжийн анхны намрын баяр”-т Сэлэнгэ аймгийн Алтанбулаг, Сүхбаатар, Зүүнбүрэн, Шаамар, Цагааннуур, Түшиг, Жавхлант, Орхон, Орхонтуул, Мандал, Баянгол, Ерөө сумдаас нийт 300 гаруй ногоочид оролцон, өөрсдийн хүлэмжиндээ тарьж ургуулсан 16 нэр төрлийн бүтээгдэхүүнийг дэлгэн тавьж, арга туршлагаа хуваалцсан юм.
Мөн энэ үеэр Сэлэнгэ аймгийн Хүнс, хөдөө аж ахуйн газар, БНСУ-ын Засгийн газрын харьяа Хөдөөгийн хөгжлийг дэмжих газрын Монгол дахь төлөөлөгч KOPIA Монгол төвтэй хамтран ажиллах гэрээг байгуулав.
Хүнсний чанар, хүртээмж бол улс орны аюулгүй байдлын гол баталгаа, хүн амын эрүүл энхийн үндэс юм. 110 мянган хүн амтай Сэлэнгэ аймгийн хувьд улсын хүнсний бүтээгдэхүүний 50 орчим хувийг хангах бүрэн боломжтой бүс нутаг. Мөн атрын 1,2,3-р аяныг санаачлан эхлүүлж байсан, өрх бүр нь хүнсний ногоогоо өөрсдөө тарьж ургуулж чаддаг. Мөн тус аймагт УИХ-ын 13-р тойрог Сэлэнгэ аймгаас сонгогдсон УИХ-ын гишүүн Д.Өнөрболорын санаачилгаар “Хашаанаасаа 50 сая”, “Хүлэмж-40” төслүүд 2019 оноос хэрэгжиж байна.
