Хүнс, хөдөө аж ахуйн салбарын мэргэжлийн нэгдсэн холбоодын нэгдэл, “Хүнсний хувьсгал” ТББ дөрөв дэх хуралдаанаа хийж 2026 он хүртэлх төлөвлөгөөгөө хэлэлцлээ.
Монгол Улсын Ерөнхийлөгч У.Хүрэлсүх 19 нэр төрлийн хүнсний бүтээгдэхүүнээр дотоодын хэрэгцээгээ бүрэн хангаж, цаашлаад экспортлогч улс болох зорилготой “Хүнсний хангамж, аюулгүй байдал” үндэсний хөдөлгөөнийг 2022 оны 05 дугаар сарын 13-ны өдөр УИХ-ын индэр дээр зарлан эхлүүлж байсан. Энэхүү хөдөлгөөний зорилго, зорилтыг биелүүлэхэд үндэсний үйлдвэрлэгчид, баялаг бүтээгчид томоохон үүрэг гүйцэтгэнэ.
Хүнс, хөдөө аж ахуйн салбарын холбоодын нэгдэл салбарын төлөөллүүд багтаж, “Хүнсний хувьсгал” болон өрнөж буй “Хүнсний хангамж, аюулгүй байдал” үндэсний хөдөлгөөний хэрэгжилтэд санал хүсэлтээ илэрхийлж, бусад үйлдвэрлэгчдээ мэдээллээр шуурхай хангаж, дотоодын хүнсний хэрэгцээгээ хангахаас гадна монголд үйлдвэрлэсэн бүтээгдэхүүн дэлхийн тавцанд гарахын төлөө нэгдэж ажиллах юм.
