Монгол Улсын Ерөнхийлөгчийн Үйлдвэр, үйлчилгээний бодлогын зөвлөх Ч.Даваабаяр, Монгол Улсаас Япон Улсад суугаа Элчин сайд Б.Баярсайхан, ЕТГ-ын Хүнсний төсөл, хөтөлбөрийн албаны дарга А.Амаржаргал нар Япон улсын хүнсний ууган үйлдвэр ISE Foods компанийн төлөөллийг хүлээн авч уулзав.

Уулзалтаар Монгол Улсын Ерөнхийлөгчийн санаачилгаар орон даяар хэрэгжиж буй “Хүнсний хангамж, аюулгүй байдал” үндэсний хөдөлгөөний талаар санал солилцов.

Монгол орны уур амьсгал, цаг агаар, хөдөө аж ахуйн салбар дотоодынхоо хэрэгцээг хангах бүрэн боломжтой бөгөөд тэжээл үйлдвэрлэл, эрчимжсэн мах, сүүний аж ахуйг нэмэгдүүлэх, махны чиглэлийн тахианы аж ахуй, загасан бүтээгдэхүүний үйлдвэрлэл, загасны аж ахуй зэргийг бий болгоход үндэсний үйлдвэрлэгчид анхаарч ажиллавал дотоодоосоо бүрэн хэрэгцээгээ хангах боломжтой гэж үзэж байгаагаа хэлэв.

Ise Foods компани нь олон улсад махны чиглэлийн тахианы тэжээл, өндөг, өндгөн бүтээгдэхүүний үйлдвэрлэл, худалдааны чиглэлээр үйл ажиллагаагаа явуулдаг Япон улсын үндэсний ууган үйлдвэрүүдийн нэг юм.