XVII жарны “Хилэнт эх” хэмээх модон луу жилийг тохиолдуулан Монгол Улсын Ерөнхийлөгч Ухнаагийн Хүрэлсүхийн зарлигаар “Модерн номадс”-ын анхдагчид төрийн дээд “Алтан гадас” одонгоор шагнагдлаа. Шагналыг Монгол Улсын Ерөнхийлөгчийн Үйлдвэр, үйлчилгээний бодлогын зөвлөх Ч.Даваабаяр гардуулсан юм.
Монгол Улсын Ерөнхийлөгчийн Үйлдвэр, үйлчилгээний бодлогын зөвлөх Ч.Даваабаяр: XVII жарны “Хилэнт эх” хэмээх модон луу жилийг тохиолдуулан Монгол Улсын Ерөнхийлөгчийн зарлигаар хүнс үйлдвэрлэлийн салбарт олон жил үр бүтээлтэй ажилласан та бүхэнд төрийн дээд “Алтан гадас” одонг гардуулж байгаадаа баяртай байна. Зочлох үйлчилгээний салбарт Монгол үндэсний брэндийг хөгжүүлж буй та бүхэндээ баяр хүргэе. Нүүдэлчдийн соёлыг дэлхийд таниулах их үйлсэд нь амжилт хүсье!
Модерн номадс ресторан нь Монгол хоолын соёлыг рестораны зэрэглэлд хөгжүүлсэн төдийгүй АНУ-ын анхны франчайз рестораныг нээж, олон үндэстний хоолны ресторануудыг байгуулан, Австри технологийн пивоны үйлдвэр зэргийг монголд нутагшуулсан хоол үйлдвэрлэл, зочлох үйлчилгээний салбарын анхдагчид юм.
