Улсын Их Хурлаас баталсан “Хүнсний хангамж, аюулгүй байдлыг хангах талаар авах зарим арга хэмжээний тухай” 36-р тогтоолын биелэлтийг зохион байгуулах арга хэмжээний хүрээнд нийслэлд үйл ажиллагаа явуулж байгаа хүнсний бүтээгдэхүүн үйлдвэрлэгч жижиг, дунд үйлдвэрлэл, үйлчилгээ эрхлэгч иргэн, аж ахуй нэгжийг дэмжихэд чиглэсэн орон нутгийн дэд хөтөлбөрийг боловсруулж, танилцуулах үүрэг бүхий Ажлын хэсэг байгуулагдлаа.
Ажлын хэсгийн бүрэлдэхүүнд Монгол Улсын Ерөнхийлөгчийн Үйлдвэр, үйлчилгээний бодлогын зөвлөх Ч.Даваабаяр томилогдов. Ажлын хэсгийн ахлагчаар Нийслэлийн Засаг даргын Эдийн засаг, дэд бүтцийн асуудал хариуцсан нэгдүгээр орлогч П.Сайнзориг, Нийслэлийн Засаг даргын Тамгын газрын дарга нар багтсан байна.
Нийслэлийн Засаг дарга бөгөөд Улаанбаатар хотын захирагч Х.Нямбаатар Хүнсний хувьсгалын хүрээнд дэд хөтөлбөрийг хууль, тогтоомжид нийцүүлэн боловсруулж, Нийслэлийн Засаг даргын зөвлөлийн хуралд танилцуулж ажиллахыг ажиллахыг үүрэг болгов.
